Dr. Xhuliana Mihajlovska tregon si parandalohet, diagnostifikohet dhe si shërohet diabeti gestacional
Me Dr. Xhuliana Mihajlovska, Specialiste endokrinologe nga Klinika Zhan Mitrev kemi biseduar për Diabetin gestacional për të kuptuar më shumë informacione rreth këtij çrregullimi dhe si të parandalohet e të shërohet kjo sëmundje.
Diabeti gestacional
Diabeti gestacional është diabeti që shfaqet gjatë shtatzënisë, pa pasur një histori të mëparshme të diabetit të diagnostikuar ose vlera të larta të glicemisë. Zakonisht shfaqet në tremujorin e tretë të shtatzënisë dhe nëse ndodh në dy tremujorët e parë, atëherë me siguri bëhet fjalë për diabet të tipit 1 ose tip 2.
Me kalimin e kohës, ndërsa shtatzënia përparon, rritet edhe pesha e trupit. Si pasojë krijohet një shkallë e rezistencës ndaj insulinës që rrit nevojën për insulinë. Kjo mungesë e insulinës dhe rezistencës ndaj insulinës çojnë në shfaqjen e diabetit gestacional.
Cilët janë faktorët e rrezikut për shfaqjen e diabetit gestacional?
Rritja e peshës trupore, sindroma e vezores policistike, historia familjare pozitive e diabetit, pesha mbi 4 kg e fetusit nga lindja e mëparshme, pasiviteti fizik ose prediabeti ekzistues konsiderohen si faktorë rreziku për shfaqjen e tij.
Në prani të diabetit gestacional, rreziku i presionit të lartë të gjakut rritet. Ndërsa në lidhje me fetusin, rritet rreziku për një fetus më të madh, lindje të parakohshme, hipoglicemi pas lindjes dhe zhvillim i diabetit të tipit 2 gjatë viteve të mëvonshme në jetë.
Si diagnostikohet diabeti gestacional?
Diabeti gestacional diagnostikohet me anë të testit oral të tolerancës ndaj glukozës që kryhet ndërmjet javës 24-28 të shtatzënisë dhe nëse ka të dhëna për faktorë rreziku paraekzistues, atëherë mund të bëhet edhe në tremujorin e parë (gjatë 12 javëve të para të shtatzënisë). Për një test pozitiv sipas Shoqatës Amerikane të Diabetit, merren parasysh vlerat nga testi i kryer esëll mbi 5.3 mmol/L, 1 orë pas stërvitjes mbi 10 mmol/L dhe 2 orë pas stërvitjes mbi 8.5 mmol/L.
Pas lindjes, diabeti gestacional zakonisht përfundon dhe gjithçka kthehet në normalitet, por 50% e grave me diabet gestacional do të zhvillojnë diabetin e tipit 2 me kalimin e kohës. Kjo është arsyeja pse është e nevojshme të kontrolloni gjendjen e glicemisë pas 6-12 javësh.
Në Spitalin klinik Zhan Mitrev, jemi në dispozicionin tuaj përsa i përket diagnostikimit në kohë të diabetit gestacional dhe për ta kontrolluar dhe trajtuar siç duhet atë, në mënyrë që në fund të mund të presim së bashku foshnjën që ka nisur rrugën e ardhjes në jetë.
Dr. Xhuliana Mihajlovska
Specialiste endokrinologe
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë