Komunikacioni në Maqedoni, nuk ka pritje në pikat kufitare

Komunikacioni në rrugët shtetërore po zhvillohet pandërprerë nëpër rrugë kryesisht të thata.

Intensiteti i komunikacionit në akset rrugore jashtë mjediseve urbane është rritur. Në vendkalimet kufitare, nga ana e Maqedonisë së Veriut, nuk ka pritje më të gjata për hyrje dhe dalje nga shteti.

LAMM rekomandon shpejtësi të adaptuar të qarkullimit, respektimin e sinjaleve të përcaktuara të komunikacionit e veçanërisht drejtim të automjetit me kujdes, posaçërisht në rrugët nëpër gryka malore, ku ekziston mundësia e rrëshqitjes së dheut. Kjo vlen veçanërisht për pjesët rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

Aksi rrugor Ohër – Resnjë, përmes parkut nacional Galiçicë, është i hapur për qarkullim deri më datë 01.10.2022 për automjete me masë të përgjithshme deri në 3.5 tonë.

Në rrugën rajonale R1102, gjegjësisht seksioni Veles – Gradsko, për shkak të punimeve ndërtimore, pjesa në fjalë do të jetë e mbyllur për qarkullim nga data 28.09.2022, në 9 muajt e ardhshëm dhe qarkullimi do të zhvillohet sipas regjimit kohor të miratuar të komunikacionit.