Alec Baldwin arrin marrëveshje me familjen e Halyna Hutchins, xhirimet e filmit “Rust” rifillojnë në janar

Alec Baldwin ka arritur një marrëveshje për aksidentin tragjik që i mori jetën kineastes Halyna Hutchins në filmin “Rust” vitin e kaluar pasi u qëllua aksidentalisht nga ylli i filmit, i cili besonte se arma nuk ishte e mbushur me një plumb i vërtetë.

Sipas një deklarate të lëshuar nga avokati i Baldwin, aktori dhe producenti dhe familja e Hutchins kanë arritur një marrëveshje të pazbuluar për të zgjidhur padinë e ngritur kundër tij dhe të tjerëve të përfshirë në vendngjarje.

Marrëveshja është në pritje të miratimit nga gjykata, por një pjesë e saj është që Matthew Hutchins, bashkëshorti i Halyna tani do të jetë një producent ekzekutiv i filmit dhe do të marrë një pjesë të fitimeve.

“Ne kemi arritur një marrëveshje, subjekt i miratimit të gjykatës, për rastin e vrasjes aksidentale kundër producentëve të Rust, duke përfshirë Alec Baldwin dhe Rust Movie Productions, LLC. Si pjesë e kësaj zgjidhjeje, çështja jonë do të pushohet. Xhirimet e Rust, në të cilin unë tani do të jem producent ekzekutiv, do të rifillojë xhirimet me të gjithë aktorët kryesorë origjinalë në ekip në janar 2023”, ka thënë Matthew Hutchins, bashkëshorti i të ndjerës.

Hutchins vazhdoi duke thënë se ai nuk ka asnjë interes në akuzat apo atribuimet e fajit, qoftë te producentët apo Alec Baldwin, pasi të gjithë besojnë se vdekja e Halyna është një aksident i tmerrshëm dhe ai falënderoi të gjithë në komunitetin e industrisë që u bashkuan për të nderuar punën e fundit të gruas së saj të ndjerë.

Avokati i Alec Baldwin, Luke Nikas i Quinn Emanuel falënderoi ata që kontribuuan në arritjen e një zgjidhjeje për një çështje tragjike.

“Gjatë gjithë këtij procesi të vështirë, të gjithë kanë ruajtur dëshirën specifike për të bërë atë që është më e mira për djalin e Halynas. Ne u jemi mirënjohës të gjithëve që kontribuuan në zgjidhjen e kësaj situate tragjike dhe të dhimbshme”.

Avokatët e Rust Movie Productions, LLC, të cilët gjithashtu u përmendën në padi shprehën mirënjohjen e tyre për arritjen e një marrëveshjeje.

“Ne jemi të kënaqur që palët u mblodhën për të zgjidhur këtë çështje, e cila, me miratimin e gjykatës, shënon një hap të rëndësishëm përpara në kujtimin e Halyna dhe nderimin e punës së saj”, u shpreh Spadone nga kompania “Pillsbury Winthrop Shaw Pittman”.

Pavarësisht njoftimit, zyra lokale e DA paralajmëroi se marrëveshja nuk do të ndikojë në hetimin e saj penal për vdekjen dhe shtuan: “Askush nuk është mbi ligjin”.

Lexo po ashtu Të gjitha lajmet nga Alec Baldwin

Halyna u vra në xhirimet e filmit në tetor 2021 në Bonanza Creek Ranch, Santa Fe të Meksikos. Familja e saj ngriti një padi për vdekje në shkurt. /Telegrafi/