Danimarka merr masa pas rrjedhjes së gazsjellësit ‘Nord Stream II’ në zonën e Baltikut

Komanda daneze e Mbrojtjes ka publikuar një video të asaj që tha se janë rrjedhje gazi nga “Nord Stream II” në Detin Baltik.

Videoja e publikuar nga autoriteti tregon flluska dhe një zonë deti të trazuar.

Ajo ka vendosur gjithashtu zonë të ndalimit rreth ishullit Bornholm.

“Pas tre rrjedhjeve të gazit në ‘Nord Stream II’ në Detin Baltik është krijuar zona e ndalimi rreth rrjedhjeve për hirë të sigurisë së trafikut të ujor dhe ajror. ‘Nord Stream I’ ka dy rrjedhje në verilindje të Bornholmit, derisa ‘Nord Stream II’ ka një rrjedhje në jug të Dueodde. Rrjedhjet u zbuluan nga njësia e reagimit të përgjimit të mbrojtjes daneze F-16”, njoftuan autoritetet.

Danimarka po dërgon dy anije në një zonë në Detin Baltik për t’u siguruar që askush të mos hyjë në zonën detare të prekur nga rrjedhjet.

“Mbrojtja po mbështet në lidhje me përpjekjet e autoriteteve në lidhje me rrjedhjet në tubacionet e gazit ‘Nord Stream II’ në Detin Baltik. Fregata Absalon dhe anija e kontrollit të ndotjes Gunnar Thorson janë në rrugën e tyre për të kryer monitorimin e ujit në zonat e përjashtimit. Mbrojtja daneze po mbështet edhe me kapacitet helikopterësh, përveç kësaj, mbrëmë në zonë ka qenë edhe anija patrulluese Rota”, përfundojnë autoritetet. /Telegrafi/

Se video og fotos af gaslækagerne på Nord Stream 1 og 2-gasledningerne i Østersøen på https://t.co/pj96CN7CDB: https://t.co/7bgt8TljaH #dkforsvar pic.twitter.com/I1zEPaBLYO

— Forsvaret (@forsvaretdk) September 27, 2022