Ambasadori amerikan në Organizatën për Siguri dhe Bashkëpunim në Evropë (OSBE) Michael Carpenter, në një takim virtual me gazetarë të mbajtur të hënën ka folur për dialogun Kosovë-Serbi dhe situatën në Ballkanin Perëndimor.
I pyetur nga gazetarët se a ka ndonjë kërcënim për një shpërthim të një konflikti të ri në mes Kosovës dhe Serbisë, dhe a rrezikohet Ballkani Perëndimor nga ndonjë ndikim nga Rusia, ambasadori Carpenter u shpreh se situata në Ballkanin Perëndimor është delikate, raporton Telegrafi.
“Sigurisht, ekziston gjithmonë mundësia që gjërat të marrin një kthesë të rrezikshme. Mendoj se tani, megjithatë, dialogu ndërmjet Prishtinës dhe Beogradit, po bën përparime edhe pse të ngadalta, por të qëndrueshme dhe ne e mbështesim shumë dialogun e udhëhequr nga BE-ja ku SHBA-të janë të pranishme dhe kanë një vend në tryezë”, ka thënë Carpenter.
Ambasadori ka shtuar se i dërguari i special i SHBA-së për Ballkanin Perëndimor dhe dialogun, Gabriel Escobar, është shumë i përkushtuar në këtë proces së bashku me kolegun e tij, të dërguarin e BE-së, Miroslav Lajçak drejt njohjes reciproke ndërmjet Kosovës dhe Serbisë.
“Ka probleme që mund të shkaktojnë mosmarrëveshje. E kemi parë me letërnjoftimet, e shohim me çështjen e targave dhe ka një sërë çështjesh të tjera që janë kontestuese nga të dyja palët. Ne natyrisht, mbështesim një rrugë diplomatike përpara përmes bisedimeve dhe kompromisit, që nuk është gjithmonë e lehtë, por, siç e pamë me çështjen e kartave të identitetit, është e mundur”, u shpreh Carpenter
Ambasadori amerikan në OSBE, shtoi se duan ta çojnë këtë proces në pikën e njohjes reciproke ndërmjet Kosovës dhe Serbisë, dhe në marrëdhënie të mira fqinjësore.
“Është me të vërtetë në interesin më të mirë të të gjithë Ballkanit Perëndimor që kufijtë të respektohen, të njihen reciprokisht, të stabilizohen, në mënyrë që të mund të fokusohemi në sjelljen e paqes dhe prosperitetit në të gjithë rajonin”, tha Carpenter gjatë takimit virtual me gazetarë, raporton Telegrafi.
Carpenter shtoi se sikurse në Kosovë ashtu edhe në Serbi ka misione të OSBE-së, dhe tani për tani mendon se situata është relativisht stabile, por sigurisht që është gjithashtu një situatë e brishtë.
Sa i përket rrezikut të Ballkanit Perëndimor nga Rusia, ambasadori Michael Carpenter, tha se ndikimin rus e kanë parë në të gjithë rajonin.
“Në lidhje me Rusinë, ne shohim ndikim rus në të gjithë rajonin. Është shfaqur në shumë vende të ndryshme. Në fakt, do të thosha në të gjithë Ballkanin Perëndimor”, tha Carpenter.
Ambasadori amerikan shtoi se ndikimi i Rusisë shihet përmes mbështetjes nga politikanët nacionalistë/popullsitë, duke çuar përpara agjendën e vetë Rusisë, e cila nuk është domosdoshmërish integrimi euroatlantik i rajonit. /Telegrafi/
Promo
Reklamo këtuLufta Prigozhin - Putin
Më shumëHovenier: Njohja reciproke është qëndrim i administratës Biden, por s’mendojmë se do të ndodhë tani
Rezoluta për Srebrenicën, Kamberi: Grusht i fortë për politikën e Vuçiqit
Krasniqi i përgjigjet Haradinajt: Nuk jemi fëmijë me na mashtru Albini
Festuan apo protestuan? Serbët defilojnë me vetura e flamuj në Mitrovicën e Veriut, pas miratimit të rezolutës për gjenocidin në Srebrenicë
Dezinformimi dhe propaganda, SHBA-ja dhe BE-ja në koordinim për Integritetin e Informacionit në Ballkanin Perëndimor
"Abelardi po më pyet mos po doni me këtë harç me shpërnda Kuvendin" - Konjufca shkakton të qeshura në seancë plenare
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vuçiq: Sonte përfundoi karriera ime
Hovenier: Njohja reciproke është qëndrim i administratës Biden, por s’mendojmë se do të ndodhë tani
Gjashtë lojtarë të Barcelonës që mund të mos kenë të ardhme nën drejtimin e Hansi Flick
Vetëm një shtet i BE-së votoi kundër rezolutës së OKB-së për gjenocidin në Srebrenicë
Man City e sheh ish-lojtarin e tyre si zëvendësuesin perfekt të Guardiolas
Skena të shëmtuara pas finales Trepça-Ylli: Përleshje në palestrën "Minatori" - theren dy persona