Pamje të “eksodit të aeroplanëve rusë” pasi Putini urdhëroi mobilizimin – urdhërohet ndalimi i shitjes së biletave për burrat 18 deri në 65 vjeç

Rusët filluan të largoheshin masivisht nga vendi pasi Vladimir Putin urdhëroi mobilizimin, të martën në mëngjes.

Kështu, sipas mediave të huaja, përcjell Telegrafi, biletat e aeroplanëve për destinacionet që nuk kërkojnë vizë janë shitur me shpejtësi.

Ndërkohë ato të mbetura, shkruajnë mediat e huaja, përcjell Telegrafi, janë në dispozicion vetëm ditën e premte, me çmime prej njëmijë euro e lart.

Flights departing Moscow and St. Petersburg today. The @AP is reporting international flights departing Russia have either sold out or skyrocketed in price after Putin announced a mobilization of reservists.

Search SVO, VKO, DME for Moscow airports and LED for St. Petersburg. pic.twitter.com/LV2PrkwPD9

— Flightradar24 (@flightradar24) September 21, 2022

Dhe për eksodin masiv rus tregohet edhe në FlightRadar, një faqe interneti e njohur që merret me gjurmimin e fluturimeve.

Ata publikuan një video të shkurtër që tregon trafikun ajror nga Moska dhe Shën Petersburgu i marrë këtë mëngjes.

Në video shihet se trafiku është shtuar dhe shumica e fluturimeve kanë përfunduar në Turqi.

Ndërkohë, siç raportohet, linjat ajrore ruse kanë ndaluar shitjen e biletave për burrat rusë të moshës 18 deri në 65 vjeç, përveç nëse ata mund të japin prova të miratimit për të udhëtuar nga Ministria e Mbrojtjes.

Nga mesdita me orën e Moskës, fluturimet direkte nga Moska në Azerbajxhan, Kazakistan, Uzbekistan dhe Kirgistan gjithashtu kishin ndaluar së shfaquri në faqen e internetit. /Telegrafi/