Xhaferi: Iniciativa për referendum është e pa lejuar në bazë të Kushtetutës

Kryeparlamentari Talat Xhaferi tha se ai po e zbaton Kushtetutën dhe rregullat ligjore dhe se nuk po e mbron Qeverinë.

“Gati 20 vite jam në përbërjen parlamentare, por normalisht ndryshojnë gjërat gjatë gjithë këtyre mandateve. Nuk parapëlqej të bëj krahasim për punën time atë e bëjnë qytetarët, unë punoj me rregulla dhe ligje radhitja dhe hierarkia e institucioneve përcaktohet me kushtetutë dhe unë punoj sipas asaj jam duke e zbatuar, i kuptoj subjektet politike dhe ekspertët që nuk ju pëlqen rendi dhe rregulli sepse janë mësuar të funksionojnë si para disa vitesh”, deklaroi Talat Xhaferi.

Xhaferi thekson se ka tentativa kundër BE-së por ne nuk lejojmë të dëmtojmë dhe prishim imazhin e shtetit.

”Imazhi i shtetit dhe përcaktimet tre dekadëshe është i dëmtuar me alternativat e mundshme që mund të jenë kundër BE-së. Tentimet që po mundohen të tentohen dhe zbatohen kanë qenë gjithmonë por kjo dëmton imazhin por janë qytetarët gjithsesi ato që vendosin, por ne po e udhëheqim shtetin në mënyrën e duhur dhe jemi para dyerve të BE-së dhe nuk lejojmë kthim mbrapa”, deklaroi Talat Xhafer.

Xhaferi tha se iniciativa për referendum është e pa lejuar në bazë të Kushtetutës.

“Nisma për referendum është e pa lejuar në bazë të Kushtetutës dhe unë e kam obligim mos ta lëshoj në procedurë, unë nuk e mbroj qeverinë ajo nuk ka nevojë ta mbroj unë. Un e mbroj institucionin që jam zgjedhur ta udhëheq dhe atë po e bëj”, deklaroi Talat Xhaferi në emisionin “Klan Debat”.