TikTokeri më i ndjekur në botë, Khaby Lame paguhet deri në 750 mijë euro për një postim

Khabane “Khaby” Lame së fundmi u bë personi më i ndjekur në TikTok, tani me 149.5 milionë fansa dhe 2.4 miliardë pëlqime në platformë, por ai tashmë po mendon për lëvizjen e tij të radhës.

Në një intervistë për Fortune, Lame, 22 vjeç, zbuloi se i ka kushtuar shumë kohë mësimit të anglishtes duke parë filma vizatimorë dhe filma amerikanë, si dhe duke kaluar një orë çdo ditë duke punuar me një mësues.

Lame i cili nuk e ka fshehur dëshirën për t’u bërë aktor, tha për TMZ në fillim të këtij viti, se qëllimi i tij përfundimtar do të ishte të luante në një film së bashku me Will Smith.

“Ai filloi të ëndërronte të bëhej aktor pasi pa “The Fresh Prince of Bel-Air “, ka deklaruar Lame, përmes menaxherit të tij.

“Qëllimi i tij është të jetë në një film, me shpresë, një ditë të luaj me Will”, ka thënë ai.

Derisa të vijë ajo ditë, Lame do të vazhdojë të jetojë mjaft mirë përmes TikTok-ut.

Ai fitoi 450,000 dollarë (451 mijë euro) përmes partneritetit të tij me Hugo Boss, i cili e përfshiu atë duke ecur gjatë shfaqjes së Javës së Modës në Milano dhe duke postuar në lidhje me të në internet.

Lame shqyrtoi një kontratë me një studio të madhe të Hollywoodit ku thuhet se ai do të merrte 750,000 dollarë (752 mijë euro) për një klip të vetëm.

Khaby vlerësohet të fitojë rreth 10 milionë dollarë këtë vit.

Lame, prindërit e tij dhe tre vëllezërit e motrat emigruan në Itali nga Senegali në vitin 2001. Ai iu bashkua TikTok në 2020 pasi humbi punën si punëtor makinerie fabrike për shkak të pandemisë.

Sipas CBS News, ai u bë zyrtarisht shtetas i Italisë muajin e kaluar.

“Jam shumë krenar. Edhe më parë jam ndjerë italian, sepse kam jetuar gjithmonë këtu. Ndjej një ndjenjë të madhe përgjegjësie për betimin që bëra. Këto nuk janë vetëm fjalë”, tha ai pas ceremonisë së nënshtetësisë. /Telegrafi/

@khaby.lame Ficou muito simples ??? (It was easy!) ??? #learnfromkhaby #learnontiktok @TikTok @tiktok creators ♬ original sound – Khabane lame