AllWeb Albania rikthehet në Shqipëri këtë nëntor, pas dy vitesh!

AllWeb Albania rikthehet në Shqipëri këtë nëntor, pas dy vitesh!

Bëhet fjalë për një konferencë ndërkombëtare të marketingut dixhital që është e fokusuar në shkëmbimin e njohurive dhe zhvillimin e biznesit.

AllWeb u organizua për herë të parë në Tiranë, Shqipëri në vitin 2016, me një event që tejkaloi pritshmëritë e tij fillestare dhe u prit shumë mirë nga audienca e përbërë nga profesionistët e fushës dhe kompani e biznese novatore.

Dhe sipas një njoftimi, ajo rikthehet me misionin e saj fillestar:

“Të ofrojë përmbajtje cilësore, folës të shkëlqyer, raste studimore praktike, shkëmbim njohurish dhe shumë më tepër”.

Temat e këtij viti do të jenë përvoja e përdoruesit, eksplorimi kreativ, metaverse, web3, strategji biznesi dhe si çdo herë praktikat më të mira të marketingut dixhital.

Me pjesëmarrjen e 12 folësve ndërkombëtarë, rajonalë dhe vendas, nën drejtimin e Gerti Boshnjakut, themelues dhe drejtues ekzekutiv i New Media Group, themelues i Business Magazine Albania dhe drejtues i portalit AlbaniaTech.

Çfarë pritet nga kjo?

Sipas njoftimit, ky 2 nëntor do t’u dedikohet: marketingut dixhital, kreativitetit, metaverse, përvojës së përdoruesit, web3 dhe strategjive të biznesit.

“Ftojmë të gjithë drejtuesit e nivelit C, menaxherët e marketingut, agjencitë e reklamave, ekspertët e PR dhe komunikimit, sipërmarrësit, pronarët e SME-ve dhe konsulentët e biznesit të na bashkohen në këtë konferencë një-ditore”, thuhet në njoftim. /Telegrafi/