“Përtej punësimit” – podcast me Jusuf Azemi

Jusuf Azemi – Federata Sindikale e Punëtorëve të Sektorit Privat të Kosovës

Derisa sindikatat në Kosovë po mbajnë grevë në institucionet publike si në arsim, administratë etj, Jusuf Azemi ka treguar kërkesat që kjo federatë ka ndaj Qeverisë së Kosovës.

Kërkesat e Federatës Sindikale

Jusuf Azemi ka treguar se problem kryesor janë kushtet dhe pagat e punëtorëve në sektorin privat dhe se kërkesa e tyre për adresimin që duhet ta merr Qeveria e Kosovës nuk janë mirëpritur nga ekzekutivi dhe  janë anashkaluar. Ndër kërkesat kryesore është caktimi i nivelit të pagës minimale në vend.

Ai ka thënë se jo të gjithë punëtorët e sektorit privat kanë pranuar 100 euro të ndara nga qeveria e vendit.

Mungesa e punëtorëve

Azemi ka treguar që në Kosovë ka edhe mungesë të punëtorëve të kualifikuar. Ai tregoi se kompani të ndryshme janë obliguar të marrin në punë të ndryshme fizike edhe persona mbi moshën 65 vjet si punëtorë fizik dhe teknik. Jusufi thotë se edhe bizneset do ta kenë të vështirë pa njerëz të kualifikuar.

Kontrolli dhe mbikëqyrja institucionale

Azemi thotë se duhet të këtë më shumë inspektorë të punës. Sipas tij, vetëm në gusht të këtij viti kanë humbur jetën në vendin e punës 16 qytetarë të Kosovës.

Ky podcast është seri e podcasteve “Përtej punësimit: Të drejtat në punë” që zhvillohen nga Qendra për Politika dhe Avokim me ndihmën financiare të Bashkimit Evropian. Përmbajtja e këtij podcasti është përgjegjësi e vetme e Qendrës për Politika dhe Avokim dhe nuk pasqyron domosdoshmërisht qëndrimet e Bashkimit Evropian apo Rrjetit për Raportim të Diversitetit 2.0