Një person ka mbetur i lënduar si pasojë e një aksident trafik, të hënën e 22 gushtit, në segmentin, në fshatin Duhël të Suharekës.
Kështu ka bërë të ditur, zëdhënësi i Policisë së Kosovës, Daut Hoxha.
Ai ka njoftuar se në aksident janë përfshirë një veturë dhe një kamion.
Po ashtu, Hoxha ka theksuar se i lënduari është dërguar në Emergjencën e prizrenit për të marrë trajtim mjekësor.
“Sot rreth orës 16:10 në autostradën” Ibrahim Rugova” në kilometrin e 34-të, Suharekë-Duhël, është shkaktuar një aksident trafiku me lëndime ku kanë qenë të përfshirë një veturë dhe një kamion. Një person është lënduar si pasojë e aksidentit dhe i njëjti është përcjellë në Emergjencë në Prizren për trajtim mjeksor” , ka thënë Hoxha.
Ndryshe, policia u ka bërë thirrje qytetarëve në veçanti drejtuesve të automjeteve që të jenë vigjilent, të përshtatin shpejtësinë e automjeteve me kushtet e rrugës dhe të respektojnë shenjat e trafikut.
Nga Telegrafi Jobs
Nga Viva Fresh Store
Nga Auto Mita
Nga Grand Residence Prizren
