Një burrë e kap me duar peshkaqenin dhe e nxjerrë në bregun e plazhit të New Yorkut

Pamjet e kapjes së një peshkaqeni me duar po bëhen virale. Videoja, e filmuar të dielën, tregon një burrë të paidentifikuar duke luftuar me peshkaqenin në plazhin Smith Point në Fire Island të New Yorkut, ku ndodhën dy sulme tronditëse të peshkaqenëve muajin e kaluar.

Dëshmitarja okulare Emily Murray tha për The Post se ajo ishte në një shëtitje kur vuri re burrin që po luftonte me bishën, përpara se të nxirrte me shpejtësi celularin e saj për të regjistruar dramën.

“Holy s–t”, dëgjohet ajo duke bërtitur në sfondin e videos së saj, teksa plazhistët e tjerë mblidheshin për të parë spektaklin buzë detit.

“Ai [burri] kishte qenë duke peshkuar dhe kapi peshkaqenin rastësisht”, shpjegoi Murray. “Ai po përpiqej ta zhbllokonte dhe ta lironte”.

Në videon e Murray, peshkatari mund të shihet duke qëndruar në ujërat e cekëta duke u përpjekur të nxjerrë peshkaqenin në breg.

Një foto e mëvonshme e shkrepur nga Murray tregon njeriun duke u ndihmuar nga një person i dytë ndërsa ata e tërheqin grabitqarin në rërë.

Ata përfundimisht e shkëputën peshkaqenin dhe e lëshuan përsëri në ujë. Ndërsa nuk është konfirmuar, krijesa në fakt dukej të ishte një peshkaqen tigër rëre – një specie jo agresive e peshkaqenëve të njohur vetëm për të sulmuar njerëzit kur shqetësohen së pari. /Telegrafi/