Pamje rrëqethëse nga Kina: Një vajzë ikën nga tualeti, një burrë e kap për flokë dhe e tërheq zvarrë

Një tjetër shembull i dhunës ndaj grave në Kinë shfaqet në një video të publikuar në rrjetet sociale.

Videoja ka ngjallur zemërim në të gjithë vendin, me policinë që konfirmon se ka arrestuar një 27-vjeçar që shihet në video duke sulmuar një grua.

Videoja tregon një grua duke ikur nga një tualet në një lokal. Një burrë e ndjek atë dhe e kap për floke gjersa përpiqet ta tërheqë përsëri brenda. Ajo kapet mbi burrin tjetër, më pas ata të dy bien në tokë ndërsa burri i parë e shtyn prapa dhe përplas derën.

Ajo tenton të arratiset sërish dhe këtë herë ia del. Këmisha e saj, e cila u gris gjatë përpjekjes së saj të parë të arratisjes, mbetet në dysheme ndërsa ajo nxiton drejt derës, duke tundur krahët.

Sulmi u kap nga një kamera vëzhgimi në një kafene në Zhengzhou, provincën Henan. Ngjarja ngjalli zemërim në të gjithë vendin dhe vuri sërish në qendër të vëmendjes çështjen e dhunës ndaj grave.

https://youtu.be/Ehw7bnslYNw

Videoja e sulmit është parë më shumë se 380 milionë herë vetëm të mërkurën.

NBC News thekson se ata nuk mund të verifikonin në mënyrë të pavarur pamjet e ngjarjes. Policia tha se arrestoi sulmuesin, një burrë 27-vjeçar me emrin Li nga qyteti i afërt i Kaifeng.

Deklarata nuk tha pse burri u arrestua, por gazeta e Shanghait, The Paper, raportoi se ai po mbahej nën dyshimin për sulm të pahijshëm pasi u përpoq të urinonte para një gruaje.

Incidenti ka tërhequr vëmendje të re për problemin e dhunës me bazë gjinore në Kinë, me gratë në të gjithë vendin që shprehin shqetësimin për sigurinë e tyre.

Kjo është hera e dytë në një muaj që shfaqjet publike të dhunës ndaj grave janë bërë tituj në Kinë.

Një grup burrash shkaktuan zemërim kur u filmuan duke rrahur katër gra jashtë një restoranti në qytetin verilindor të Tangshan muajin e kaluar. Dy gra u shtruan në spital. /Telegrafi/