Berkan Beka flet pas operacionit në zemër: Kalova një periudhë të vështirë, por tani jam mirë

Ai viteve të fundit ka qenë më i tërhequr nga muzika, megjithëse mbetet një nga këngëtarët më të dashur për publikun.

Fjala është për artistin e njohur shqiptar, Berkan Beka, i cili vazhdon të jetë po aq i pëlqyer sikurse në fillim të karrierës.

I njëjti së fundmi është operuar në zemër, gjersa në një intervistë për Prive ka rrëfyer më në detaje për këtë.

Krijuesi i hitit “Kriza” tha se nuk ka qenë mirë muajt e fundit pasi ndjente shumë lodhje dhe se nuk merrte frymë mirë.

Lexo po ashtu Të gjitha lajmet nga Berkan

“Mirë jam, tani mirë. Sepse me të vërtetë e kalova një periudhë shumë të vështirë. Së pari falënderoj të gjithë njerëzit që përmes Instagramit që më kanë telefonuar. Me qindra njerëz nuk kam mundur që t’iu përgjigjem të gjithëve. Nuk themi kot që në këto ditë shihet njeriu se sa duhet”, u shpreh ai.

“Faleminderit familjes, Zotit. Tani më mirë jam, patjetër e kam që të shkoj te e mira”, tha tutje këngëtari nga Maqedonia e Veriut.

Gjendja e tij shëndetësore është stabile e po ashtu do të vazhdojë me projekte të reja muzikore. /Telegrafi/