Temperaturat e larta të ditëve të fundit po shoqërohen me vatra të shumta zjarri në një pjesë të madhe të territorit të Shqipërisë.
Sipas Qendrës Kombëtare Operacionale të Emergjencave Civile gjatë kësaj periudhe të sezonit turistik veror, janë shfaqur 220 vatra zjarri në sipërfaqe pyjore dhe ato me shkurre, që kanë prekur 42 bashki të vendit.
Zonat më të prekura nga zjarret janë Prefektura e Fierit, ajo e Shkodrës, Vlorës dhe Tiranës.
Vetëm gjatë 24 orëve të fundit janë regjistruar 20 vatra zjarri, 10 prej të cilave kanë qenë më problematike për shkak të terrenit, por edhe afërsisë me zonat e banuara.
Në një prononcim për mediat, zëvendës mistrja e mbrotjes, Dallëndyshe Bici, bëri të ditur se vatra zjarri ka patur në Balldre, Orosh, Lekbibaj, Qesarat, Pus të Mezinit , Krastë, në fshatin Bizë, Gjirin e Lalzit, fshatin Patin të Klosit, në Marikaj dhe Dushk të Lushnjes. Zëvendës ministrja Bici nuk bëri të ditur se sa është sipërfaqja e prekur nga vatrat e zjarreve.
Për shuarjen e vatrave te zjarreve, sipas zëvëndës ministres së Mbrojtjes, janë angazhuar gjatë dy muajve të fundit më shumë se 3 mijë forca të armatosura, zjarrfikës, policë, punonjës të shërbimit pyjor dhe forca vullnetare. Gjithashtu, janë angazhuar edhe 320 mjete, ndërsa në dy operacione të vështira për shuarjen e zjarreve, Agjencia Kombëtare e Mbrojtjes Civile ka kërkuar ndihmën e Mekanizimit Evropian të Mbrojtjes Civile për ndihmë.
Deri tani nuk ka të dhëna zyrtare mbi përmasat e dëmit të shkaktuar në sipërfaqet pyjore të vendit. Edhe vitin e kaluar nuk pati një raportim zyrtar rreth sipërfaqes pyjore të djegur nga zjarret. E vetmja e dhënë ishte ajo e EFFIS, Sistemit Evropian të Informacionit të Zjarreve në Pyje.
Sipas këtij burimi, gjatë vitit 2021 Shqipëria ka patur 291 raste zjarresh, 126 prej të cilëve ishin zjarre masive. Ndërsa sipërfaqja e djegur ishte 29,057 ha, ose rreth 3% e sipërfaqes pyjore të vendit, çka tregon për përmasat e dëmit të shkaktuar nga zjarret.
Prej tre dekadash Shqipëria vazhdon të ketë vështirësi në shuarjen e vatrave të zjarrit në sipërfaqet pyjore dhe ato me shkurre. Kjo, për shkak të mungesës së mjeteve të përshtatshme, stukturave të pakta në terren dhe një shërbim pyjor mjaft të reduktuar.
Shqipëria është i vetmi vend në rajon që aktualisht nuk ka një mjet për shuarjen e zjarreve nga ajri, megjithëse pjesa më e madhe e pyjeve shtrihen në terrene të thepisura malore, ku zjarret është e pamundur të shuhen me automjete zjarrfikëse, për shkak të mungesës së rrugëve.
Prej 30 vitesh zjarret në sipërfaqet me pyje kanë shkaktuar dëmtime të pallogaritshme në këtë pasuri kombëtare, e cila, veç kësaj, është dëmtuar dhe vazhdon të dëmtohet edhe nga prerjet e paligjshme. /VOA/
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Paralajmërohet vizitë e Lajçakut në Washington, ndihmës-sekretari O’Brien: Do ta presim me Escobarin, për tu koordinuar për Ballkanin Perëndimor
Ymeri: Mos pranimi i Kosovës në KiE është dështim i Qeverisë Kurti
Kurti publikon statistikat: Serbia po propagandon për dhunën ndaj serbëve në Kosovë
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'