Rita Ora duket e freskët dhe joshëse në të kaltër, gjatë shkuarjes në studion muzikore në Londër

Rita Ora bëri një paraqitje verore të hënën teksa po shkonte në një studio regjistrimi në Londër.

31-vjeçarja veshi një mini fustan të kaltër për këtë dalje, i cili kishte një kornizë të bardhë te pjesa e dekoltesë, shkruan DailyMail.

Ajo i shtoi bukuri pamjes së saj me një palë sandale të zeza me platformë, teksa pranonte rrezet e diellit nga moti i ngrohtë i kryeqytetit britanik.

Rita i kishte lënë flokët e saj kaçurrela në valë të lirshme, ndërsa ato shtyheshin në njërën anë.

Ajo zgjodhi një makijazh të lehtë për fytyrën, teksa i shtoi dukjes shkëlqim me një koleksion gjerdanësh të grumbulluar dhe një orë argjendi të hollë.

Këngëtarja e hitit “I Will Never Let You Down” dukej në humor të mirë për daljen, duke buzëqeshur teksa u bëri me dorë shikuesve.

Dhe ndërsa ajo përgatitet të performojë në një sërë festivalesh verore, kanë qenë disa ditë mjaft të zëna për yllin me prejardhje nga Kosova, e cila të dielën ndoqi nga afër finalen e tenisit në Wimbledon.

Më pas ajo publikoi disa fotografi nga provat në Instagram, ku shfaqte fleksibilitetin e saj në një veshje sportive.

Veshja e saj ishte në ngjyrat bardhë e zi dhe flokët e saj ishin lidhur në stilin e një topuzi.

Ajo do të ngjitet në skenë në Festivalin Veror të Monte Carlos në Monako më vonë këtë muaj, përpara se të shkojë në Zurich OpenAir në gusht. /Telegrafi/