Adele thotë se dëshiron të ketë fëmijë të tjerë me partnerin e ri Rich Paul

Adele shpreson të ketë më shumë fëmijë në të ardhmen.

Këngëtarja – e cila aktualisht është në lidhje me agjentin sportiv Rich Paul diskutoi ëndrrat e saj për të rritur familjen e saj gjatë paraqitjes së saj në “Desert Island Discs” të BBC-së të hënën (4 korrik).

“Patjetër që do të doja disa fëmijë të tjerë”, i tha Adele prezantueses Lauren Laverne, pasi u pyet se si e përfytyron jetën e saj në 10 vjet.

“Do të ishte e mrekullueshme nëse mundemi. Nëse jo, unë kam Angelon. Dua vetem te jem e lumtur”, tha tutje ajo.

Adele, 34 vjeç, ka djalin 9-vjeçar Angelo me ish-bashkëshortin e saj, Simon Konecki. Të dy finalizuan divorcin e tyre në prill 2019.

Pavarësisht ndarjes së tyre, këngëtarja e “Easy On Me” pranoi se bashkë-prindërimi me Konecki, 48 vjeç, ka qenë më i lehtë nga sa mendonte ajo.

“Asnjëherë nuk ka qenë vërtet e ndërlikuar sepse ne jemi miq kaq të mirë. Vetëm mbi trupin tim të vdekur do të lejoja që fëmija im të përjetonte një divorc të çrregullt në jetën e tij”, tha artistja britnaike.

“Nuk ka asnjë problem dhe nuk ka pasur probleme, kështu që mendoj se ishte më e lehtë të sigurohesh që kjo të mos ndodhte. Unë jam e bekuar me të dhe ai është më i miri. Unë padyshim iu afrova me gjithë mirësinë dhe mendoj se kjo u shpërblye me të vërtetë”, u shpreh Adele.

Ndërkohë partneri i ri i këngëtares, agjenti sportiv e përjetoi atësinë në një moshë “shumë të re”, duke rritur tre fëmijët e tij ndërsa përpiqej të rriste biznesin e tij.

Paul tha më parë në një profil për New Yorker se nëse dhe kur të ketë edhe më shumë fëmijë, ai “pret me padurim të jetë një baba ndryshe – një baba më i duruar”.

Çifti bëri zyrtaren lidhjen në Instagram në shtator 2021. Njoftimi erdhi pak pasi të dy u panë krah për krah në një lojë NBA në korrik të atij viti.

Pavarësisht daljeve të fundit publike, Adele ende i pëlqen ta mbajë jetën e saj si partnere dhe si nënë sa më “private”.

Këngëtarja e “Someone Like You” tha gjithashtu se “i pëlqen të jetë nënë” dhe përqafon se si mëmësia e ka ndryshuar në mënyra “të mira, të këqija dhe të çuditshme”. /Telegrafi/