Dr. Gojart Xh. Pllana, MD
Specialist i Kardiologjisë
045/048 108018
Vera është një nga stinët më të bukura të vitit. Shijoni diellin këtë verë, por tregohuni të kujdesshëm nëse ju ose dikush në familjen tuaj vuani nga sëmundjet e zemrës.
Moti i nxehtë e vë në “stres” zemrën e të gjithëve duke bërë që ajo të rrahë më shpejt dhe të punojë më shumë për ta mbajtur trupin të freskët, por njerëzit me sëmundje të zemrës, përfshirë fëmijët dhe të moshuarit, nuk përshtaten aq lehtë, kjo do të thotë se ata janë në rrezik nga e ashtuquajtura “goditje e nxehtësisë”.
Në fakt, djersitja, reaksioni i trupit ndaj temperaturave të larta, mund të jetë e rrezikshme për njerëzit me sëmundje të zemrës. Përmes djersës nuk largohet vetëm uji, por edhe mineralet e nevojshme për trupin, duke shkaktuar “stres” të shtuar në zemër. Për më tepër, disa ilaçe (diuretikë) që njerëzit marrin për sëmundje të zemrës kanë për qëllim largimin e lëngjeve nga trupi, gjë që të nxehtit rritë efektin e tyre duke shkaktuar rrezik për dehidrim të mundshëm.
Rekomandohet që pacientët me sëmundje të zemrës të vazhdojnë të marrin ilaçet e tyre siç i kanë të përshkruara dhe të jenë të vetëdijshëm se mund të kanë nevojë për të pirë më shumë ujë për të mbajtur trupin tuaj në ekuilibër. Prandaj me ngritjen e temperaturave, pacientët që kane sëmundje kardiake (të zemrës) duhet që vazhdimisht të konsultohen me kardiologun e tyre, për të vlerësuar gjendjen e tyre, për të bërë përshtatjen e barërave të përshkruara me ndryshimet klimatike.
Kush rrezikohet më shumë
Të moshuarit dhe fëmijët shumë të vegjël kanë më shumë vështirësi në rregullimin e temperaturës së tyre dhe kështu mund të rrezikohen më shumë nga temperaturat ekstreme.
▪ Njerëzit e moshuar, veçanërisht nëse janë mbi 75 vjeç.
▪ Pacientët me sëmundje kronike kardiovaskulare.
▪ Pacientët me sëmundje të mushkërive, probleme me veshkat, diabetin dhe sëmundjen e Parkinsonit.
Si ta ruajmë zemrën gjatë temperaturave të larta
▪ Mbahuni të hidratuar, duke pirë sa më shumë ujë. Uji është më i miri, në krahasim me lëngjet jo natyrale dhe që përmbajnë sheqerna. Në rastet me pamjaftueshmeri të zemrës (insuficience kardiake) , duhet të kemi kujdes dhe të kufizojmë marrjen e lëngjeve, në një gjendje të tillë duhet domosdoshmërisht konsultimi me kardiologun tuaj.
▪ Shmangni pirjen e pijeve alkoolike. Ata mund t’ju bëjnë më të dehidratuar.
▪ Shijoni ushqime të ftohta, siç janë sallatat dhe frutat, të cilat kanë një përmbajtje të lartë uji dhe janë burim i mirë i vitaminave dhe mineraleve.
▪ Mundohuni ta mbani shtëpinë tuaj të freskët kur qëndroni në ambiente të mbyllura, vedosni perde në dritaret e ekspozuara në rrezet direkte të diellit. Hapni dritaret nëse është më e freskët sesa në shtëpinë tuaj. Fikni çdo dritë ose pajisje elektrike që nuk ju nevojitet, pasi ato mund ta bëjnë shtëpinë tuaj më të nxehtë.
▪ Kaloni kohë në pjesën më të freskët të shtëpisë tuaj, veçanërisht për të fjetur.
▪ Vish rroba të lehta, të lirshme dhe të përshtatshme.
▪ Mos qëndroni në diell në pjesën më të nxehtë të ditës, nga ora 10:00 deri në orën 17:00 pasdite.
▪ Kaloni kohë më shumë në ambientin e jashtëm nëse është më freskët se brenda shtëpisë, veçanërisht nën hije. Aplikoni krem dielli, vishni një kapelë dhe mbani me vete pak ujë.
▪ Shmangni ushtrimet ekstreme fizike. /Telegrafi/
Promo
Reklamo këtuLufta Prigozhin - Putin
Më shumë104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Anisa i del në krah Gjestit teksa thumbon produksionin: Duhet ta falënderojë Leon që e largoi prej një vendi ku gjërat po shihen tashmë
Gjesti fut dy produksionet në “sherr”- BBVK paralajmëruan se do të shfaqej rrëfimi i Gjestit, por më pas pendohen dhe e fshijnë
"Mos prek me dorë", tensionohet situata mes Gjestit dhe Gertit në Big Brother VIP Albania
Vrasja e Ramazan Matajt, flet babai i autorit: Djali im të marrë dënimin e merituar
Ish-fituesi i Big Brother qe inicoi idenë e Gjestit në BBVA tregon paraskenat e transferimit: Ishte i mërzitur, e gjetëm në hotel të dëshpëruar
Çfarë do të thotë kërcënimi i Donald Trump për të marrë kontrollin e Grenlandës për BE-në dhe NATO-n?