MCC miraton marrëveshjen e Kompaktit me vlerë 236.7 milionë dollarë për Kosovën

Kryeministri i Kosovës, Albin Kurti, ka njoftuar se Bordi i Drejtorëve të Korporatës Amerikane Sfidat e Mijëvjeçarit (MCC), ka miratuar sot Kompaktin me vlerë 236.7 milionë dollarë.

Siç ka shkruar Kurti në Twitter, ky është investimi më i madh në sektorin energjetik në Kosovë deri më sot.

Lexo po ashtu Qeveria e Kosovës dhe MCC finalizuan marrëveshjen Kompakt me vlerë prej 236.7 milionë dollarësh

“Do të ndihmojë në vendosjen e themeleve për tranzicionin tonë energjetik. Falënderime të veçanta për të dy ekipet tona për punën e shkëlqyer, miqtë, partnerët dhe aleatët”, ka shkruar ai.

Grateful for @MCCgov Board decision to approve the $236.7M Compact agreement. This is the largest energy investment in ?? to date. It will help lay the foundation for our just energy transition. Special thanks to both our teams for the great work. Friends. Partners. Allies. ????

— Albin Kurti (@albinkurti) July 1, 2022

Ndërsa, ministrja e Ekonomisë, Artane Rizvanolli, teksa ka njoftuar për këtë vendim, ka thënë se është e nderuar që i ka udhëhequr negociatat.

“Lajm fantastik nga MCC sot. Bordi i Drejtorëve sapo miratoi Kompaktin me vlerë 236.7 milion dollarë – investimi më i madh në sektorin energjetik të Kosovës, një gur themel në tranzicionin tonë energjetik! Mirënjohës ndaj Shteteve të Bashkuara të Amerikës dhe ekipit të Kosovës. Krenar për ekipin e Kosovës. E nderuar që kam udhëhequr negociatat”, ka shkruar ajo në Twitter.

Ndryshe, ky program do të jetë projekti më i madh energjetik në Kosovë, i cili parasheh ndërtimin e sistemeve akumuluese të energjisë.

Great news from ?? today! @MCCgov‘s Board of Directors just approved the ?? Compact worth $236.7 Million – the largest invesment on ??’s ⚡ sector, a cornerstone in our energy transition! ?

Grateful to ?? & ?? teams.

Proud of the ?? team.

Honored to have led the negotiations.

— Artane Rizvanolli (@Artane_R) July 1, 2022