Organizatat BIRN Kosova dhe Internews Kosova kanë publikuar raportin “Imuniteti i Korrupsionit”, ku janë analizuar 40 raste të aktgjykimeve dënuese të korrupsionit gjatë vitit 2021.
Ky raport i monitorimit fokusohet në analizimin e politikës ndëshkimore në rastet e korrupsionit të shqiptuara nga gjykatat e Kosovës gjatë vitit 2021.
Raporti tregon se si gjykatat e Kosovës në rastet e korrupsionit nuk kanë zbatuar politikë ndëshkimore në përputhshmëri me udhëzuesit e nxjerrë nga Gjykata Supreme e Kosovës.
Raporti nxjerr në pah dënimet e ulëta te rastet e korrupsionit dhe rrethanat të cilat janë marrë parasysh për shqiptimin e dënimeve më të ulëta.
Lidhur me gjetjet e raportit “Imuniteti i Korrupsionit”, ministrja e Drejtësisë, Albulena Haxhiu, tha se këto gjetje janë treguesi më i mirë i sistemit të drejtësisë.
Ministrja tha se kishte shpresuar që situata do të ndryshonte pas hyrjes në fuqi të udhëzuesve të lëshuar nga Gjykata Supreme.
“Edhe para 1 viti ka pasur një organizim të tillë, ku realisht kemi trajtuar problemin e njëjtë”, tha ministrja Haxhiu.
Ajo tha se është për keqardhje mosrespektimi i udhëzuesve të lëshuar nga instanca më e lartë e sistemit juridik.
“Për mua është për keqardhje puna e mirë e Gjykatës Supreme në hartimin dhe miratimin e Udhëzuesit të Përgjithshëm për Politikën Ndëshkimore, e të cilat nuk kanë gjetur zbatim dhe nuk janë marrë parasysh nga radhët e gjyqtarëve kur kanë nxjerrë aktgjykime të tilla”, shtoi Haxhiu.
Për shqiptimin e dënimeve të ulëta si dhe gjetjen nga ana e gjyqtarëve më shumë të rrethanave lehtësuese sesa rënduese ministrja tha se gjyqtarët po i duken si avokatë.
“Nganjëherë e kam përshtypjen që kur po i lexojmë këto aktgjykime, po duket që gjyqtari po e luan rolin e avokatit”, tha ajo.
Sipas Haxhiut, ky raport dhe këto raste duhet të jenë edhe nën ‘llupën’ e Këshillit Gjyqësor të Kosovës për çështjen e performancës dhe profesionalizmit të gjyqtarëve.
“Besoj që tani por edhe ka pasur një lloj pingpongu të gjuajtjes së përgjegjësive në mes prokurorive dhe gjykatave”, tha Haxhiu.
Sipas saj, prokuroria duhet t’i përpilojë aktakuzat në mënyrë më cilësore, e jo ‘të dobëta’ që ato pastaj të dështojnë në gjykatë.
Ajo shtoi se edhe aktgjykimet të cilat nxirren nga gjykatat duhet të përfshijnë rrethanat rënduese dhe lehtësuese dhe të jenë në përputhje me Kodin Penal të Kosovës.
Të pranishëm në konferencën e publikimit të raportit ishin edhe U.D. Kryeprokurori i Shtetit, Besim Kelmendi, kryesuesi i KGJK-së, Albert Zogaj dhe kryetari i Gjykatës Supreme, Enver Peci.
Raportin e plotë të publikuar nga BIRN dhe Internews Kosova mund ta lexoni në këtë LINK.
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Vdes një grua në Repartin e Gjinekologjisë në Prizren
Rast i pazakontë në Prishtinë, dy persona të maskuar tentuan t’ia vënë zjarrin një shkolle
Çfarë pyetje u bëhen qytetarëve në diasporë për regjistrim?
Keqtrajtoi një qen, arrestohet i dyshuari në Prishtinë
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City