Në prag të stuhive që mund ta godasin Kosovën, IHMK tregon se si duhet të mbrohemi

Instituti Hidrometeorologjik i Kosovës (IHMK) ka njoftuar se vendi ynë do të jetë nën ndikimin e masave ndikohet nga fushat e fuqishme ciklonike me 8 dhe 9 qershor.

IHMK me këtë rast ka dhënë disa këshilla për qytetarët.

1.Nëse jeni gjendur jashtë gjatë një stuhie, mos qëndroni pranë një pemë, një shtylle telefoni ose shtyllë flamuri. Distanca e sigurt nga objektet e larta është dyfishi i lartësisë së objektit.

2.Kur rrufeja kërcënon, futuni brenda një shtëpie, ndërtese të madhe ose një automjeti tërësisht metalik.

3.Nëse stuhia afrohet kur jeni jashtë në një zonë pyjore, strehohuni nën pemë të vogla dhe qëndroni larg pemëve të larta.

Lexo po ashtu Paralajmërohen stuhi e breshër në dy ditët e ardhshme në Kosovë, qytetarëve u kërkohet të kenë kujdes

4.Nëse stuhia afrohet kur jeni jashtë, mos u bëni cak i saj. Mund të jetë fatale. Mos qëndroni në majë të një kodre, në një fushë të hapur ose përgjatë një plazhi.

5.Nëse stuhia afrohet kur jeni duke notuar ose pranë ujit, dilni nga uji menjëherë dhe largohuni nga plazhi.

6.Gjatë një stuhie me vetëtima, hiqeni ombrellën, qëndroni larg gardheve me tela, pajisjeve me tela për tharje të rrobave, tubacionet metalike, shinat metalike dhe objekte të tjera metalike.

7.Gjatë një stuhie me vetëtima, qëndroni larg pajisjeve elektrike, kanaleve të ngrohjes, radiatorëve dhe hidraulikës. Hiqni nga priza pajisjet kryesore elektrike.

8.Rrufeja është vdekjeprurëse. Gjatë një stuhie me rrufe mos përdorni pajisje elektrike si brisqe, mikserë, tharëse flokësh dhe pajisje lavanderie.

Lexo po ashtu Ditë tragjike në Kosovë, dy të vdekur e dy të lënduar nga moti i ligë

9.Rrufeja mund të jetë vdekjeprurëse, por një person i vrarë në dukje rrufeja shpesh mund të ringjallet nga metoda e ndihmës së shpejtë gojë më gojë, masazhi i zemrës ose frymëmarrja artificiale. Nëse disa njerëz goditen nga rrufeja, së pari trajtoni ata që duken të vdekur. Ata që tregojnë shenja jete ndoshta do të shërohen vetë.

Kujtojmë se gjatë së hënës në Kosovës si pasojë e kushteve të motit dy persona kanë vdekur derisa dy të tjerë kanë pësuar lëndime serioze./Telegrafi/