Të paktën 31 persona kanë vdekur në Nigeri gjatë një rrëmuje njerëzish në një ngjarje bamirësie

Të paktën 31 persona kanë vdekur gjatë një rrëmuje njerëzish në një ngjarje bamirësie në kishë, në qytetin Port Harcourt të Nigerisë jugore, sipas policisë.

Sipas medieve të huaja, përcjell Telegrafi, qindra njerëz që ishin paraqitur për të marrë ushqim në ngjarje herët të shtunën depërtuan përmes një porte, duke shkaktuar rrëmujën, tha Grace Iringe-Koko, zëdhënëse e policisë për shtetin Rivers, kryeqyteti i së cilës është Port Harcourt.

Shumë nga njerëzit u mblodhën në radhë që nga e premtja për të fituar akses në Port Harcourt Polo Club – vendi i programit vjetor të bamirësisë “Blini falas” organizuar nga kisha pentekostale e Kings Assembly.

“Njerëzit ishin atje më herët dhe disa u bën të paduruar dhe filluan të nxitonin, gjë që çoi në rrëmujë. Policia është në terren duke monitoruar situatën ndërsa hetimi është në vazhdim”, tha Iringe-Koko për Reuters.

Zëdhënësi i policisë tha se shtatë të tjerë u lënduan, por po “i përgjigjen trajtimit” pas rrëmujës në ngjarjen që organizatorët thanë se kishte për qëllim “të ofronte shpresë” për nevojtarët. /Telegrafi/