Lidhja e Historianëve të Kosovës “Ali Hadri”, dega në Deçan, ka reaguar sot ndaj, siç thuhet, presioneve të ambasadorëve të QUINT-it dhe shefit të Zyrës së BE-së në Prishtinë ndaj institucioneve të Kosovës për të zbatuar vendimet e kohës së Slobodan Millosheviq në Kosovë.
Presioni i ambasadorëve të QUINT-it dhe shefit të Zyrës së BE-së në Prishtinë, Tomas Szunyog mbi institucionet tona është parë edhe sot me vizitën e tyre në Manastirin e Deçanit, i cili nuk e pranon Republikën e Kosovës, thuhet në komunikatë.
Historianët e Deçanit thonë se ambasadorët e QUINT-it dhe shefi i zyrës së BE-së në Prishtinë po bien pre e igumenit Sava Janjiq, pasi që ishin pikërisht vendet e tyre që në vitin 1999 bombarduan regjimin diskriminuese të Millosheviqit, i cili është përgjegjës për gjenocid ndaj shqiptarëve dhe i cili ka marrë me qindra vendime, të cilat po i sfidojnë institucionet e Kosovës.
Lidhja e Historianëve i bën thirrje Qeverisë, Kuvendit, Presidencës, zyrës Kadastrale në Deçan dhe Agjencisë Kadastrale të Kosovës që të mos e zbatojnë vendimin antikushtetuese, antikombëtar dhe antiligjor të Gjykatës Kushtetuese të Kosovës të majit 2016, i cili thelbin e tij e ka në vendimet e kohës së Millosheviqit.
Zbatimi i vendimit të Kushtetueses për pronat dhe ndërmarrjet “Apiko” dhe “Iliria” në Deçan, është precedent i rrezikshëm për Kosovën. Me zbatimin e këtij vendimi, Kosova do të hyjë në një rrugë pa kthim, e cila do të fuqizojë edhe më tej Kishën Ortodokse Serbe në Kosovë, përfundon reagimi.
Ndryshe, kryeministri Albin Kurti në shkurt të këtij viti përsëriti qëndrimin e tij se vendimi i Kushtetueses për t’i detyruar autoritetet lokale të Deçanit t’ia kthejnë Manastirit të Deçanit 24 hektarë tokë dhe pyje, është i bazuar në politikën diskriminuese të Qeverisë së Serbisë, të vitit 1997.
Ai pati thënë se Qeveria do të përpiqet t’i ruajë të drejtat legjitime të Manastirit të Deçanit, por shtoi se edhe liderët fetarë duhet të kërkojnë zgjidhje përmes dialogut dhe marrëveshjes me popullatën lokale në Deçan.
Autoritetet lokale në Deçan besojnë se 24 hektarët tokë dhe pyje janë të ndërmarrjeve shoqërore “Apiko” dhe “Iliria” dhe me këmbëngulje refuzojnë zbatimin e vendimit të Kushtetueses.
Gjykata Kushtetuese pati deklaruar se vendimi i saj nuk ishte zbatuar dhe i bëri thirrje Prokurorisë së Shtetit të Kosovës që të ndërmarrë veprime të mëtejme, në përputhje me kompetencat ligjore.
Në vendimin për moszbatimin e aktgjykimit, Gjykata Kushtetuese tha se nuk ka juridiksion të vlerësojë përgjegjësinë për moszbatimin e vendimit nga organet përgjegjëse dhe se një vlerësim i tillë i takon prokurorit të shtetit në përputhje me Kodin Penal dhe Kodin e Procedurës Penale.
Promo
Reklamo këtuLufta Prigozhin - Putin
Më shumëDASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'