Rishikimi i buxhetit javën e ardhshme para deputetëve të Maqedonisë së Veriut
Rishikimi i buxhetit javën e ardhshme do gjendet para deputetëve. Nga Qeveria njoftuan se propozimi për rishikimin e buxhetit të shtetit, tashmë është dërguar në Kuvend dhe presin që nga e hëna shërbimet t’ia dorëzojnë deputetëve. OBRM-PDUKM përmes një komunikate tha se propozimi për rishikimin e buxhetit nuk do ta ndryshojë gjendjen aktuale ekonomike dhe do të vazhdojë, siç thonë ata, kaosi ekonomik.
“Shkurtimi i investimeve kapitale dëshmon se kjo Qeveri nuk ka as plan e as vizion që Maqedonia të dalë nga kriza ekonomike, për të cilën është përgjegjëse. Nëse kësaj i shtohet edhe realizimi i dobët, atëherë arrijmë në përfundim se nuk do të ketë pothuajse asnjë aktivitet të qeverisë në këtë drejtim, vendimtar për ekonominë. Rishikimi i buxhetit tregon se kjo Qeveri në kohë krize ka projektuar qindra milionë euro shpenzime joproduktive, nga të cilat vetëm një pjesë po shkurtohen”, thonë nga OBRM-PDUKM
Nuk dihet ende se si do të ndikojë bllokada aktive e Kuvendit, e iniciuar nga OBRM-PDUKM në votimin e rishikimit të buxhetit. Deputeti Nikolla Micevski, kur u paralajmërua bllokada opozitare e Kuvendit, tha se partia do të bllokojë çdo gjë që është e dëmshme për qytetarët, por se do të marrin pjesë aktive në debatin për rishikimin e buxhetit. Partia në pushtet pret arsye të shëndoshë nga opozita. Socialdemokratët janë të bindur se propozimi i qeverisë do të kalojë.
“Rishikimi do të gjendet shumë shpejt para deputetëve, nuk pres që të bllokohet, përkundrazi ne si shumicë jemi të gatshëm të përdorim të gjitha mjetet dhe të gjitha mundësitë që jep rregullorja për miratimin e rishikimit dhe ligjeve të tjera, sepse është e rëndësishme në kushte të tilla kur përballemi me krizë energjetike dhe ekonomike”, tha Darko Kaevski – zëdhënës i LSDM-së
Sipas Rregullores së Kuvendit, debati për rishikimin mund të zgjasë maksimumi pesë ditë dhe më pas kalohet në votim. Në votimin e fundit për riprogramimin e arkës së shtetit nga prilli i vitit të kaluar, publiku ishte dëshmitar i tensioneve dhe sulmeve të ndërsjella mes ligjvënësve nga qeveria dhe opozita. Shumica në atë kohë mezi arriti të krijojë kuorum për votim, pasi opozita njoftoi se do të largohej nga salla, ndaj ministrja aktuale e Kulturës, e sëmurë me koronavirus u shfaq me skafandër. /Alsat/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe