Pas më shumë se 50 vitesh Spitali i Prilepit u bë me aparat për rezonancë magnetike dhe pajisje për të gjithë repartin. Me këtë për herë të parë rreth 120.000 pacientë të rajonit do të mund të caktojnë termin për diagnostikë me rezonancën magnetike në spital.
Në hapjen e repartit morën pjesë kryeministri Dimitar Kovaçevski dhe ministri i Shëndetësisë, Bekim Sali.
“Pa më shumë se 50 vitesh spitali bëhet me aparat modern për rezonancën magnetike dhe tani do të mundet akoma më lehtë dhe në mënyrë më të plotë ta realizojë misionin e vet – të sigurojë shërbim shëndetësor cilësor për popullatën nga Prilepi, Krusheva dhe Makedonski Brodi dhe për të gjithë këtë rajon, duke e përfshirë edhe Kavadarin. Qytetarët e komunës së Prilepit dhe rrethinës më nuk do të udhëtojnë në Shkup ose Manastir për ta patur këtë shërbim shëndetësor. Tani u hapet mundësia për qasje më të lehtë, pa shpenzime shtesë dhe kohë për termin, t’i marrin rezultatet menjëherë”, deklaroi Kovaçevski.
Aparatin e siguroi Ministria e Shëndetësisë, ndërsa spitali i investoi rreth pesë milionë denarë për pajisjen e repartit.
Ministri i Shëndetësisë theksoi se aparati është furnizuar si pjesë e IPA fondeve.
“Aparati që sot është i lidhur në sistemin elektronik Termini im dhe në sistemet PAKS. Ditëve të kaluara përfundoi trajnimi i personelit dhe u bënë incizime provë. Aparati për rezonancë magnetike është furnizuar si pjesë e IPA fondeve për shtetin tonë dhe përballjen me kanosjet shëndetësore, ndërsa përforcimi përmes këtij projekti vazhdon edhe në institucione të tjera shëndetësore”, tha Sali.
Drejtoresha e Spitalit, Keti Smielska vlerëson se janë përmirësuar kushtet shëndetësore për banorët e rajonit përmes pajisjes dhe rritjes së numrit të mjekëve-specialistë.
Pyetjes sa dhe kur do të punësohet personel i ri mjekësor në Spital, ministri i Shëndetësisë nuk mundi të saktësojë, pasi, siç tha, bëhet fjalë për plan vjetor.
Sipas Salit, është duke u punuar edhe në strategjinë për organizim rajonal të Shërbimit për ndihmë mjekësore emergjente.
“Në këtë kuadër është planifikuar furnizimi i rreth 60 automjeteve. Po punohet edhe në pjesën e renovimit të objekteve ku jemi në fazën fillestare”, deklaroi ministri i Shëndetësisë, Bekim Sali gjatë vënies në punë të repartit ku ndodhet aparati i rezonancës magnetike në Spitalin e Përgjithshëm të Prilepit.
Promo
Reklamo këtuLufta Prigozhin - Putin
Më shumëQKMK u bën thirrje qytetarëve t’i shmangen qarkullimit përmes pikave kufitare me Serbinë, të shtunën protestohet në territorin serb
Djali i heroit Afrim Bunjakut punësohet në ndërmarrjen publike të Vushtrrisë
Gazetarja: Turistët nga Kosova "braktisin" Durrësin, shtohen rezervimet nga vendet e BE-së dhe Britania
Rama mesazh Greqisë nga Himara: Himariotët janë himariotë dhe pikë
Goditet grupi kriminal i trafikut të armëve nga Kosova në Tiranë, dalin pamjet e arrestimeve
Tensione në seancën e Kuvendit të Prishtinës, Rama akuzon opozitën se po mashtron qytetarët
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vuçiq: Sonte përfundoi karriera ime
Hovenier: Njohja reciproke është qëndrim i administratës Biden, por s’mendojmë se do të ndodhë tani
Gjashtë lojtarë të Barcelonës që mund të mos kenë të ardhme nën drejtimin e Hansi Flick
Vetëm një shtet i BE-së votoi kundër rezolutës së OKB-së për gjenocidin në Srebrenicë
Man City e sheh ish-lojtarin e tyre si zëvendësuesin perfekt të Guardiolas
Skena të shëmtuara pas finales Trepça-Ylli: Përleshje në palestrën "Minatori" - theren dy persona