Ish-ushtari i UÇK-së Bedri Kukalaj ka thënë se kur i kanë dërguar nga burgu i Nishit në atë të Dubravës kanë përjetuar vazhdimisht keqtrajtime nga gardianët.
Ai tha se edhe ushqimin e kanë pasur me urdhër, derisa kujton edhe ditën kur u lirua Ukshin Hoti.
“Kur kemi shku në Dubravë, aty kishte qenë tmerr, aty edhe ushqimi ka qenë katastrofë, nuk guxonim të hanim pa na u dhënë urdhri. Më 16 maj 1999 teksa po ktheheshim nga kuzhina ku ushqeheshim, Ukshin Hoti ka qenë në kolonë me neve, të cilit dy gardianë i thanë të shkonte të bënte gati rrobat pasi do lirohej. Ne e kemi përcjellë kurse ai na kanë thënë: “Lirimi im ka diçka politike, por nëse dal i gjallë, ju do jeni të sigurt”, ka thënë Kukalaj.
Kukalaj shtoi se prej kur i kanë sjellë në Dubravë e dinin se do i vrisnin, por ndiheshin të liruar se eshtrat do i kishin në Kosovë.
Sipas tij, para se të silleshin të burgosit shqiptarë, në Dubravë ka pasur paramilitarë të stacionuar.
“Para se të nisnin bombardimet, në Dubravë kanë qenë të stacionaur paramilitarë të shumtë, neve na kanë sjellë aty pasi kanë konsideruar që nëse NATO bombardon t’i vrasin shqiptarët. NATO nuk i ka prekur dhomat e të burgosurve, vetëm pikat e vrojtimit”, shtoi ai.
Kukalaj tha se gjatë sulmeve të NATO-s tre ditë kanë fjetur në oborr, e më pas kishte ndodhur masakra ndaj të burgosurve.
“Prej 19-22 maj 1999 kemi fjetë në oborre pasi ka pasë gjuajtje. Më 22 maj një gardian ka dalë në pikë të vrojtimit, i cili na ka thënë: ‘Përgatituni në gjithë se këtu nuk ka më vend të sigurt, duhet me ju tërheq prej këtu’. Ne gjatë natës patëm dëgju shumë kamionë përtej murit të burgut. U patëm bë rresht afër murit mbi 900 persona, pastaj prej përtej murit na kanë hedhur bomba dore, aty më pas filloi masakra, e gjitha kjo edhe me automatikë”, ka thënë Kukalaj.
Sipas tij, të burgosurit serbë nuk kanë qenë në rreshtim si shqiptarët, por brenda, u janë dhënë armë për t’i vrarë ata që kanë mbijetuar.
Ish-ushtari potencoi se të nesërmen i kishin sjellë mediat nga Serbia, të cilat dhanë lajmin se kinse masakra ishte shkaktuar nga sulmi i NATO-s.
“Të nesërmen i kanë leju të gjitha mediat e Serbisë të hyjnë nëpër burg dhe të marrin pamje, kinse ka qenë sulm i NATO-s. Derisa neve na kanë kërcënuar që nuk guxojmë të tregojmë se kush na ka pushkatuar. Unë rreth 36 orë kam qenë pa vetëdije në mesin e të vdekurve ku edhe kam marrë plagë, prej aty më kanë dërgu në një sallë, ku na kanë thënë se më nuk na ngacmojnë”, shtoi Kukalaj në emisionin “Kallxo Përnime”.
Lufta Prigozhin - Putin
Më shumëNga Rubrika
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
A po e kushtëzon Sllovenia Kosovën me Asociacion për t’u bërë pjesë e Këshillit të Evropës – flet presidentja Pirc Musar
Një shtetas nga Serbia është mashtruar në Shkup, i kanë marrë 300 euro për një aksident të rremë
Çfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë