I njohur për shakatë me transgjinorët – Dave Chappelle sulmohet teksa performonte shfaqjen e Netflix në skenë

Dave Chappelle është sulmuar në skenë teksa performonte një shfaqje humori të Netflix në Los Angeles.

Videoja nga ngjarja e mbrëmshme e shfaqjes “Is A Joke” tregon një burrë duke u ngjitur në skenë dhe duke sulmuar komedianin përpara se të tërhiqej zvarrë nga sigurimi.

Jamie Foxx, i cili po e shikonte shfaqjen i veshur me një kapelë sherifi, nxitoi në skenë për të ndihmuar në ndalimin e sulmuesit.

Chappelle, i cili shkaktoi zemërim në komunitetin trans me komente të diskutueshme në një shfaqje në Netflix vitin e kaluar, u duk i padëmtuar dhe vazhdoi me grupin e tij, duke bërë shaka: ‘Ishte një burrë trans ‘.

Chris Rock, i cili performoi më vonë në eveniment mbrëmë dhe në mënyrë të ngjashme iu nënshtrua një shpërthimi të dhunshëm në skenë në “Oscars” në mars, doli në skenë dhe bëri shaka duke thënë se prapa kësaj mund të ishte Will Smith.

Pamjet më vonë duket se tregojnë sulmuesin duke u trajtuar nga mjekët për një krah të lënduar rëndë përpara se ai të dërgohej në spital me një ambulancë, shkruan DailyMail.

Organizatorët thanë në faqen e tyre të internetit se shfaqja, e cila mbrëmë u titullua “Dave Chappelle and Friends”, do të ishte një ‘eksperiencë pa telefon’ dhe se audienca do të duhej të siguronte telefonat e tyre brenda çantës.

#davechappelle attacked at #hollywoodbowl #netflixisajoke pic.twitter.com/oP04S0de90

— abazar 🦇🔊 (@abazar) May 4, 2022

Pasi sulmuesi u ndalua, Chappelle falënderoi Foxx në skenë për reagimin për t’i dal në ndihmë, i cili tha se fillimisht kishte menduar se sulmuesi ishte pjesë e ndonjë skene nga shfaqja.

“Meqë ra fjala, bërtisni Jamie Foxx. Sa herë që jeni në telashe, Jamie Foxx do të shfaqet me kapelën e një sherifi”, tha komediani.

Pas sulmit, Jimmy Carr postoi një selfie të bërë me kolegun e humorit dhe e përshkroi shfaqjen e tij në Los Angeles si ‘të çmendur’.

Chappelle u kritikua vitin e kaluar për shakatë për njerëzit trans në shfaqjen e tij komedike në Netflix, “The Closer”.

Gjatë specials kontroverse, ai bëri një koment duke thënë se ‘gjinia është një fakt’, duke nxitur stafin e Netflix të protestojë dhe të zemërohet masivisht në mediat sociale kundër disa prej shakave të tij.

Ai gjithashtu ndau mbështetjen e tij për JK Rowling, e cila gjithashtu ka tërhequr kritika për komentet e saj rreth konceptit të seksit biologjik.

Në shfaqje, Chappelle bëri gjithashtu shaka se gratë sot i shohin femrat trans në të njëjtën mënyrë që zezakët mund t’i shohin gratë e bardha të veshura me fytyrë të zezë dhe vuri në dukje se gratë kanë të drejtë të ndiejnë zemërim ndaj grave trans, pasi Caitlyn Jenner fitoi çmimin “Gruaja e Vitit” të revistës Glamour 2015.

Ylli bëri shaka edhe për anatominë e femrave trans, duke thënë se atyre u mungojnë organet riprodhuese të vërteta femërore dhe se nuk kishin gjak, por ‘lëng panxhari’.

Ngjarja e mbrëmshme ishte shfaqja e parë ‘live’ e festivalit të komedisë së Netflix dhe përmban shfaqje nga yje me emër, duke përfshirë Seth Rogen, Snoop Dogg, Bill Burr dhe Pete Davidson. /Telegrafi/