Pasi bleu Twitter-in, Musk thotë se do ta blejë “Coca Cola-n për ta rikthyer kokainën në pije”

Elon Musk shkroi në Twitter të mërkurën se do të dëshironte të blinte Coca-Cola-n për ta “futur përsëri kokainën në pije”.

Postimi i Musk erdhi dy ditë pasi miliarderi bleu Twitter në një marrëveshje prej 44 miliardë dollarësh. “Le ta bëjmë Twitter-in maksimalisht argëtues!”, shkroi ai në Twitter më pak se një orë pasi shprehu planet e tij për kompaninë e pijeve.

Derisa komentet e Musk për Coca-Cola-n ishin me gjasë ironike, ato përmbajnë disa të vërteta historike për pijen, transmeton Telegrafi.

Next I’m buying Coca-Cola to put the cocaine back in

— Elon Musk (@elonmusk) April 28, 2022

Sipas Institutit Kombëtar për Abuzimin me Drogën, kokaina ishte e ligjshme në vitin 1885 kur John Pemberton, një farmacist nga Atlanta, e përgatiti për herë të parë pijen.

Let’s make Twitter maximum fun!

— Elon Musk (@elonmusk) April 28, 2022

Në atë kohë, receta e Pemberton përfshinte një ekstrakt kokaine të marrë nga gjethet e bimës koka. Ai e përshkroi pijen si një “ilaç me patentë” dhe “pije tonike dhe intelektuale për trurin”.

Një artikull i New York Times i vitit 1988 për kompaninë Coca-Cola raportoi gjithashtu se si kokaina fillimisht u përfshi në pije, por eliminoi atë në vitet 1900. /Telegrafi/