SHBA u thotë aleatëve të “lëvizin çdo gur” për të dërguar më shumë armë në Ukrainë

SHBA u ka kërkuar aleatëve të saj “të lëvizin çdo gur” për ta mbajtur Kievin të pajisur me armë – ndërsa forcat ruse vazhdojnë të kryejnë sulme në Ukrainën lindore dhe jugore.

Për të dytën ditë radhazi, shpërthime tronditën gjithashtu rajonin separatist të Trans-Dniester në Moldavinë fqinje, duke rrëzuar dy antena të fuqishme radioje pranë kufirit me Ukrainën.

Askush nuk e mori përgjegjësinë për sulmet, por Ukraina fajësoi Rusinë.

Lexo po ashtu Gjermania ka pranuar të dërgojë armë të rënda në Ukrainë - sa domethënëse është një gjë e tillë?

Një kërkesë e tillë vjen mes frikës në rritje ndërkombëtare se lufta po fillonte të përhapej më tej mbi kufijtë.

Ndërkohë, në Gjermani, Sekretari amerikan i Mbrojtjes, Lloyd Austin thirri një takim me zyrtarë nga rreth 40 vende në bazën ajrore amerikane në Ramstein.

Ndërsa në një fjalim sonte, Sekretarja e Jashtme britanike, Liz Truss pritet të thotë se Perëndimi duhet të përgatitet për “afat të gjatë” për të siguruar humbjen e Rusisë në Ukrainë dhe t’u bëjë thirrje aleatëve të rrisin shpenzimet e mbrojtjes dhe të furnizojnë Kievin me tanke dhe aeroplanë luftarakë. /Telegrafi/