Një nga sportistët më të mirë britanikë të të gjitha kohërave, Bradley Wiggins: Trajneri më abuzoi seksualisht
Pesë herë kampioni olimpik i çiklizmit Bradley Wiggins, i cili u nderua me titullin Kalorës në vitin 2013 nga mbretëresha britanike Elizabeth për arritjet e tij, ka zbuluar se ai ishte viktimë e abuzimit seksual si adoleshent.
Fituesi i Tour de France 2012 ka thënë se trajneri kishte abuzuar me të kur ishte 13-vjeçar.
Çiklisti tashmë 41-vjeçar, i cila ka garuar në çiklizëm rrugor dhe çiklizëm në pistë, konsiderohet si një nga sportistët më të mirë britanikë të të gjitha kohërave. Ai fitoi gjithsej tetë medalje olimpike, duke përfshirë pesë të arta dhe shtatë tituj botërorë.
Wiggins tha se nuk mund të fliste për këtë më parë për shkak të një marrëdhënieje të vështirë me njerkun e tij dhe në një intervistë me numrin e majit të revistës britanike ‘Men’s Health’ tha se kurrë nuk ishte pajtuar me abuzimin.
“Kur isha më i ri, isha rreth 13 vjeç, jam abuzuar nga një trajner dhe kurrë nuk e kam pranuar këtë”, ka thënë ylli britanik.
I pyetur nëse po fliste për abuzim seksual, ai shtoi: “Po. Gjithçka ndikoi tek unë si i rritur… Thjesht i varrosa ngjarjet thellë brenda. Njerku im ishte mjaft i dhunshëm ndaj meje”.
Wiggins kishte thënë më parë se vuante nga depresioni dhe kishte një fëmijëri të vështirë. Ai shtoi se pjesën më të madhe të jetës e kaloi duke u përpjekur të kuptonte marrëdhënien e tij me të atin, çiklistin australian Gary Wiggins, i cili u largua nga familja, ndërsa Bradley ishte ende i ri. Ai vdiq në vitin 2008 pas një debati në një festë në shtëpi.
“Kjo ishte padyshim e lidhur me babain tim,” u përgjigj Wiggins kur u pyet nga çfarë po përpiqej të shpëtonte në jetë. “Ai ishte heroi im. Doja t’i tregoja veten atij. Ai ishte një çiklist i mirë, mund të ishte shumë i mirë, por ishte një talent i tretur. Ishte alkoolik, i dëshpëruar manikisht, mjaft i dhunshëm dhe i pëlqente shumë amfetaminat dhe droga sportive në atë kohë”.
Wiggins arriti kulmin në vitin 2012 kur u bë fituesi i parë i turneut britanik, dhe vetëm disa ditë më vonë ai fitoi medaljen e artë olimpike në Londër.
Wiggo, siç e quanin, ishte i vetmi që fitoi medalje të artë olimpike në çiklizëm rrugor dhe në pistë. Ai e përfundoi karrierën e tij të suksesshme në fund të vitit 2016. Tani punon si komentues profesionist. /Telegrafi/
Promo
Reklamo këtuLufta Prigozhin - Putin
Më shumëRekordi i pabesueshëm që ka thyer Messi pas paraqitjes heroike ndaj New York RB, asnjë futbollist në histori nuk e ka arritur këtë
Skuadrat që përfitojnë më shumë nga fanellat e tyre – askush nuk mund të mposhtë numrin 1
Inzaghi gëzon tifozët e Interit me transfeirmin e ri: Po, ai ka nënshkruar me ne
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Xavi me deklaratë absurde: Ishim superiorë këtë edicion ndaj Gironës dhe Real Madridit
"Mjekët më thanë se së shpejti do të vdes", Ish-portieri gjerman tregon sëmundjen e rëndë me të cilën po përballet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak