Hungaria nesër mban zgjedhje – hungarezët që jetojnë në Serbi votuan me postë

Në Hungari nesër mbahen zgjedhjet parlamentare, në të cilat të drejtë vote kanë edhe qytetarët serbë që shtetësi hungareze si dhe vetë hungarezët.

Të drejtë vote kanë më shumë se 68 mijë qytetarë, të cilët janë të regjistruar në shtetin fqinj dhe shumica tashmë kanë votuar me postë, raporton nova.rs.

Përkatësisht, nga mesi i muajit mars, letrat me material zgjedhor u kanë arritur shtetasve në adresat e banimit, gjegjësisht ato që kanë deklaruar gjatë regjistrimit, apo në objektet e Konsullatës së Përgjithshme të Hungarisë në Suboticë.

Kryeministri Viktor Orban dhe partia e tij, Fidesz do të tentojnë nesër të fitojnë mandatin e katërt radhazi ndërsa nga ana tjetër opozita, “Të bashkuar për Hungarinë”, e cila mbledh gjashtë parti opozitare, drejtohet nga Peter Marki-Zaj.

Parlamenti hungarez ka 199 deputetë, 106 prej të cilëve zgjidhen me sistemin mazhoritar, kështu që në 106 njësi zgjedhore fiton kandidati me më shumë vota dhe 93 vendet e mbetura jepen në zgjedhjet në të cilat garojnë listat zgjedhore.

Regjistrimi është pesë për qind për një parti, 10 për qind në rastin e një koalicioni të dy partive dhe 15 për qind në rastin e koalicioneve të tre ose më shumë partive. /Telegrafi/