Shpërthim në një minierë në Serbi, tetë minatorë të vdekur, disa të tjerë të lënduar

Tetë minatorë humbën jetën dhe 18 të tjerë u lënduan kur një pjesë e gropës u shemb në minierën Soko në Sokobanja në Serbi, njoftoi Ministria e Minierave dhe Energjisë e Serbisë.

Sipas mediave serbe, përcjell Telegrafi, operacioni i shpëtimit ka përfunduar dhe minatorët e tjerë, të cilët ndodheshin në bosht në momentin e aksidentit, janë nxjerrë jashtë dhe për të lënduarit është ofruar ndihma mjekësore.

Još uvijek se ispituje uzrok nesreće#srbija #rudnik #nesreca #tragedija #soko #sokobanjahttps://t.co/5qQ2LmcDfu

— Zenit.ba (@zenitBA) April 1, 2022

Trupat e minatorëve të vdekur nuk janë gjetur ende, ndërsa familjet e viktimave ndodhen në zonën e minierës, raporton Tanjug.

Në detyrë kanë qenë 49 minatorë, prej të cilëve 18 janë lënduar lehtë dhe janë dërguar në Aleksnicë, ndërsa dy minatorë me lëndime të rënda janë transferuar në Qendrën Klinike të Nishit. Asnjë nga minatorët e lënduar nuk është në rrezik për jetën.

#Balkan-Eksplozija rudnika u Srbiji: Poginulo osam rudara, deseci povrijeđeni.U obrušavanju jame u rudniku Soko u #Sokobanji nakon eksplozije metana povrijeđeno je 18 rudara.https://t.co/QegKrvnsGN#Srbija #Rudnik pic.twitter.com/CiqROFHwGd

— Asmir Memic (@AsmirMemic3) April 1, 2022

Një inspektor i minierave me një prokuror publik dhe një komision i formuar nga menaxhmenti i minierës aktualisht janë në gropë për të përcaktuar shkaqet e aksidentit. Një numër i madh qytetarësh dhe gazetarësh janë ende rreth minierës. /Telegrafi/