Bashkia e Shkupit edhe këtë vit do të ndajë subvencione për kondicionerë inverter

Bashkia e Shkupit edhe gjatë vitit 2022 do të vazhdojë me masën për ndarjen e subvencioneve për qytetarët për blerjen e kondicionerëve inverter për ngrohje.

Këshilli i Bashkisë së Shkupit në seancën e djeshme miratoi Programin për subvencionimin e qytetarëve për blerjen e kondicionerëve inverter me efikasitet të lartë për ngrohje 2022, me të cilin përcaktohet mënyra dhe kushtet për realizimin e aktiviteteve për subvencionimin dhe financimin e tyre.

Ata shtojnë se në periudhën e ardhshme do të shpallet thirrja publike për subvencione, ku do të mund të aplikojnë të gjithë personat që plotësojnë kushtet e parapara, dhe të gjithë ata që kanë blerë kondicionerë inverter duke filluar nga data 01.01.2022.

“Sipas programit të sivjetshëm, për këtë qëllim janë paraparë 24 milionë denarë, ndërsa qytetarëve do t’u komenzohen në tërësi shpenzimet për blerjen e kondicionerit inverter, por jo më shumë se 62.000 denarë neto. Këto subvencione janë pjesë e masave të parashikuara në Planin e veprimit për përmirësimin e cilësisë së ajrit dhe Planin e veprimit të Strategjisë për ndryshime klimatike të Qytetit të Shkupit. Sipas studimeve të shumta për cilësinë e ajrit në Shkup, pjesëmarrjen më të madhe në emetimin e grimcave PM10 dhe PM2.5 e ka ngrohja e banesave që nuk kanë ngrohje qendrore”, thuhet në njoftimin e Bashkisë së Shkupit.

Sipas programit të sivjetshëm, për këtë qëllim janë paraparë 24 milionë denarë, ndërsa qytetarëve do t’u rimbursohen në tërësi shpenzimet për blerjen e kondicionerit inverter, por jo më shumë se 62.000 denarë neto./Telegrafi/