Familja katër anëtarësh e Skënder Grajqevcit ka mbetur ka kulm mbi krye si pasojë e zjarrit që ka djegur shtëpinë e tyre në Hade të Obiliqit.
Ata për djegien e shtëpisë fajësojnë KEDS-in, ndërsa këta të fundit thonë se shumë shpejt do të dalin me një raport lidhur me rastin.
Skënder Grajqevci, pronari i shtëpisë së djegur, ka treguar se askush nuk ka qenë në shtëpi momentin e shpërthimit të zjarrit.
“Ka ndodhur pas orës 6 të mëngjesit. Ne s’kemi qenë këtu, na kanë lajmëruar që po kallet shtëpia, kur kemi mbërri veç ishte kallur krejt. Fajtor po del që është KEDS-i, të shikojmë, procedurat duhet shkuar deri në fund”, tha ai.
Ai ka thënë se shtëpia është djegur e gjitha dhe se nuk kanë ku të qëndrojnë.
“Kanë qenë, por sa kanë punuar nuk e di, kanë qenë dy, tre ekipe, kryesore po del që është dëmtuar prej KEDS-it, prej rrymës. Këtu është shkatërruar çdo gjë, s’ka mbetur asgjë, përveç çka kemi vesh, prej zeros, që sot s’kemi as ku me flemë. Besoj që duhet bërë zgjidhje”, tha ai.
Ndërsa Fatlinda Grajqevci kërkon nga institucionet të merren seriozisht me rastin.
“Kërkojmë prej institucioneve të marrin më seriozisht dhe me përgjegjësi të plota punën tonë, sepse jemi mbetur me një gjendje të tmerrshme… Na duhet ta fillojmë një jetë prej zeros. Jemi dalë me tesha të trupit. Kështu kemi mbetur. Fëmija s’kanë çka me vesh, iu kanë kall me libra, me dokumentacione, e gjithçka. Pres prej institucioneve shumë, përderisa nuk kemi qenë ne fajtor e as njeriu nuk ka qenë fajtor, por ka qenë KEDS-i… Fatmirësisht ne nuk kemi qenë në shtëpi… Dëme materiale ka shumë, nuk kemi mund të shpëtojmë as edhe një send më të vogël”, tha ajo.
Besnik Grajqevci, pronar tjetër i shtëpisë së dytë që kishte nisur ta përfshijë zjarri, tha se zjarri ka ndodhur si pasojë e tensionit të rrymës, por që shtëpia e tyre fatmirësisht ka shpëtuar pa u djegur.
“Në këtë rast zjarri është shkaktuar nga shtëpia e djalit axhës, Skënder Grajqevci, ku si pasojë është tensioni i krijuar nga kyçja ose prekja e telave në mes veti dhe aty e ka gjetur momentin ku ka depërtuar shkëndija dhe ka ardhur deri te flaka. Si pasojë e rrjedhës së flakës dhe djegies totale të shtëpisë ka filluar të digjet edhe pjesa e shtëpisë tonë, ku e kemi pas ngjitur me njëra-tjetrën, por fatmirësisht shtëpia jonë ka shpëtuar që të mos digjet komplet, për shkak se kanë intervenuar zjarrfikësit dhe e kanë shpëtuar atë pjesë pa u djegur”, tha ai.
Zëdhënësi i KEDS-it, Viktor Buzhala ka thënë për KosovaPress se ekipet kanë dalë në vendin e ngjarjes dhe shumë shpejt do të dalin me një raport lidhur me rastin.
“Ekipet kanë qenë në vendin e ngjarjes, do të thotë ekipet e ekspertëve të KEDS-it, të cilët i kanë marrë të gjitha evidencat në terren dhe shumë shpejt do të dalin me një raport profesional. Deri atëherë i kishim lutur të gjitha palët të përmbahen nga çfarëdo konstatimi i parakohshëm”, tha ai.KP/Telegrafi/
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe