Qeveria e RMV-së mbështet zhvillimin rural me 1.3 miliardë denarë

Qeveria në seancën e djeshme miratoi Programin për mbështetjen financiare të zhvillimit rural për vitin 2022, përcjell Telegrafi Maqedoni.

Programi për përkrahje financiare të zhvillimit rural për këtë vit kap vlerën e 1.3 miliardë denarë.

“Ky program synon zbatimin e politikave të zhvillimit rural, të cilat synojnë mbështetjen e investimeve në sektorin e bujqësisë, menaxhimin e ujërave dhe infrastrukturës publike dhe përmirësimin e jetës në zonat rurale. Për të siguruar prodhim të qëndrueshëm të ushqimit cilësor, rritjen e konkurrencës së bujqësisë, sigurimin e një niveli të qëndrueshëm të të ardhurave të ekonomisë bujqësore, si dhe promovimin e mënyrave të reja të organizimit në nivel lokal, përmes krijimit të partneriteteve publiko-privat”, thuhet në komunikatën e Qeverisë

Programi ka për qëllim gjithashtu mbështetjen e shoqatës ekonomike të prodhuesve bujqësorë në formën e kooperativave bujqësore, ruajtjen e diversitetit gjenetik të bimëve bujqësore autoktone dhe racave autoktone të blegtorisë, mbështetje në kryerjen e veprimtarisë bujqësore në zonat me aftësi të kufizuara./Telegrafi/