Dua Lipa shkëlqen në emisionin e radhës të Jimmy Fallon – improvizon koreografinë e famshme për të cilën është tallur dikur

Dua Lipa është gati të qeshë për një lëvizje kërcimi për të cilën u tall më parë në rrjetet sociale, kur fansat e kishin quajtur si dikush që “po përpiqej të vishte këpucët me nxitim apo diçka tjetër”.

Gjatë episodit të së enjtes në “The Tonight Show Starring Jimmy Fallon”, këngëtarja 26-vjeçare reflektoi mbi koreografinë e saj dikur të tallur gjatë një koncerti të mëparshëm, shkruan DailyMail.

“Arsyeja që po flasim për këtë është sepse e kam kthyer atë koreografi. Po e bëj prapë në turneun tim”, tha ajo për hapin e saj të çuditshëm të kërcimit, i cili u shndërrua në shaka të shumta në rrjete sociale në vitin 2018.

Ajo shtoi: “Unë po e risjell atë koreografi sepse ishte një moment kur në fakt më shkaktoi shumë pikëllim. Sikur të isha tallur në internet. Nuk ishte shumë bukur, por tani mund ta shikoj nga një këndvështrim tjetër”.

“Unë e shikoj atë me një dashuri të madhe sepse më ndihmoi të bëhesha artistja që doja të bëhesha. Më bëri të punoja më shumë. Bëra më shumë prova. Thjesht doja të bëhesha një interpretuese e vërtetë dhe mendoj se kjo ishte gjëja që më duhej”, përfundoi Lipa.

Kohët e fundit, ylli i muzikës pop ka fituar lëvdata për kërcimin e saj, pasi filloi turneun “Future Nostalgia” në fillim të kësaj jave.

Ndërsa ishte në emisionin e orëve të vona, ajo foli gjithashtu me prezantuesin Fallon për bashkëpunimin me Elton Johnin në këngën e tyre të suksesshme “Cold Heart”.

Lexo po ashtu Dua Lipa ndryshon stil, duket tejet atraktive rrugëve të New Yorkut

“Jam shumë me fat që kam kaq shumë momente në jetën time”, tha këngëtarja e hitit “Levitating”.

Në qershor, interpretuesja e hitit “New Rules” falënderoi kritikët e saj për ‘abuzimin në internet’ gjatë kërcimit të dikurshëm dhe pranisë së saj në skenë – gjë që e shtyu atë të ‘bëhej më e mirë’.

Artistja nga Kosova tha se ‘ngacmimi në internet e bëri atë të dëshironte të kërcente me të, ndërsa ajo reagoi ndaj komenteve negative për performancat e saj të hershme’.

Ndërsa Dua u ngrit në vetëdijen kryesore, ajo u rrënua me komente nga tallësit mizorë të cilët thanë se ajo kishte aftësi kërcimi ‘tragjike’ dhe performanca live ‘të dyshimta’.

Në atë kohë, Dua tha: “Vetëm doja të them një falënderim masiv për të gjithë ata që e kanë dëgjuar muzikën time që nga fillimi”.

“Kanë kaluar katër vjet që nga albumi im debutues dhe unë jam shumë mirënjohëse për të gjitha mundësitë e jashtëzakonshme dhe njerëzit e mrekullueshëm që kam takuar dhe mësimet e pabesueshme që kam mësuar, duke bërë turne për rreth tri vjet, duke u ngacmuar në internet, gjë që më bëri të dëshiroj vallëzoj të pasmet e mia dhe thjesht të bëhem më e mirë, ndaj faleminderit shumë”.

“Për të gjitha gjërat e mira dhe të këqija – për të më ndihmuar të rritem. Unë jam përgjithmonë mirënjohëse dhe jam e emocionuar që ju djema të shihni se çfarë do të kemi më pas”.

Në të kaluarën, Dua ka folur edhe për mënyrën sesi yjet e pop-it marrin shumë më pak vërejtje sesa homologët e tyre femra.

Duke folur për The Sunday Times, Dua tha: “Ka shumë më pak vëmendje dhe vërejtje ndaj yjeve meshkujt të muzikës pop… Njerëzve u pëlqen thjesht të objektivizojnë gratë, përpara se të shpjegojnë ndikimin”.

“Kritika në internet mund të të bëjë të ndihesh sikur nuk je mjaftueshëm e mirë, ndaj isha nervoze. Dukej si një terren pjellor për urrejtje dhe më ndaloi të jem krenare për arritjet e mia”.

“Në vend që të ndieja se diçka ishte e mahnitshme, më bëri të ndihesha se nuk ia vlente… duhet të mbrojmë shëndetin tonë mendor”, tha ajo.

“Uroj që kompanitë e rrjeteve sociale t’i bëjnë ato një hapësirë më të sigurt. Thjesht është bërë e padrejtë”, këmbënguli ylli me prejardhje shqiptare. /Telegrafi/