Ish-ambasadori i Bosnjës dhe Hercegovinës në Rusi, Enver Haliloviq, duke komentuar ndërhyrjen ushtarake ruse në Ukrainë, ka thënë se Rusia nuk kupton formë tjetër të komunikimit përveç forcës dhe Perëndimi duhet sa më parë ta gjejë një përgjigje përkatëse. Ai ka tërhequr vërejtjen se tentimi i organizimit të zgjedhjeve të Serbisë brenda shtetit të Kosovës, vë në pikëpyetje integritetin dhe sovranitetin e Republikës së Kosovës.
Ai, gjatë një intervistë për kp, luftën atje e ka quajtur agresion të theksuar ushtarak, politik, demografik e civilizues, ndaj një shteti sovran, nga ana e Rusisë.
“Në fakt Rusia nuk kupton formë tjetër të komunikimit, përveç asaj të forcës. A është forca ushtarake apo ekonomike, kjo është çështje tjetër. Mirëpo një përgjigje përkatëse Perëndimi duhet ta gjejë. Sepse ne tashmë kemi një konflikt të një regjimi demokratik dhe jodemokratik… Është e tepërt të përsëritet diçka që është absolutisht evidente dhe e konfirmuar në tërë botën civilizuese se ka ndodhur një agresion i theksuar ndaj një shteti sovran, se me këtë është prishur rendi shoqëror ndërkombëtar i bazuar në të drejtën ndërkombëtare dhe në subjektin kryesor, që është shteti, pra ndaj integritetit dhe sovranitetit shtetëror. Këtu nuk bëhet fjalë për agresion të karakterit ushtarak, por edhe politik, demografik, civilizues etj., dhe ky është një presedan që pa ndonjë arsye serioze të sulmohet një shtet sovran dhe atë në një mënyrë brutale”, ka thënë Haliloviq.
Ai shprehet skeptik sa i përket ndërprerjes së agresionit në atë pjesë, pa mbështetjen serioze të Ukrainës nga ana e shteteve perëndimore, ndërkaq, ideologjinë politike dhe doktrinën serbe e ka quajtur kopje të asaj ruse.
“Nuk besoj se mundet me u ndal kjo, nëse vërtetë ka vullnet, liria e vërtetë e Ukrainës, nëse nuk i jepet ndonjë lloj ndihme serioze Ukrainës, në mënyrë që ajo të çlirohet ushtarakisht… Bota serbe nuk është asgjë tjetër përveç se kopje e botës ruse. Krejtësisht është e ngjashme ideologjia dhe doktrina e botës serbe dhe asaj ruse. Të dyja këto doktrina bazohen në etnocentrizëm”, sqaroi Haliloviq.
Haliloviq tha se kërcënimet për destabilizim të Kosovës nga ana e komunitetit serb, janë të ngjashme edhe në Bosnjë.
Në lidhje me mos pozicionimin akoma të Serbisë rreth situatës në Ukrainë, Haliloviq ka potencuar se Serbia ndodhet në situatë shumë të vështirë.
Sipas tij, raportet në mes të Serbisë dhe Rusisë janë historikisht të shkëlqyeshme, si raporte politike ashtu edhe ushtarake.
“Rezistenca që po i bëhet botës serbe në Kosovë, është diçka që është prezente edhe në Bosnjë dhe Hercegovinë, si një lloj i rezistencës ndaj presionit dhe destabilizimit për kërcënimin e territorit dhe sovranitetit të Bosnjës dhe Hercegovinës… Serbia ndodhet para një dileme të madhe, nuk mundet përgjithmonë të qëndrojë në dy karrige. Duhet të orientohet, nëse i takon këtij apo atij koncepti të jetës, botës demokratike, liberale, perëndimore apo totalitar, mbretëror etj. Kjo peshë e barrës qëndron para Serbisë. Serbia nuk ka raporte të afërta me Rusinë vetëm kohët e fundit, gjatë dy kryetarëve të fundit, por gjatë gjithë historisë këto raporte kanë qenë të forta, nga ato familjare deri tek ato politike e ushtarake”, theksoi Haliloviq.
Ish-ambasadori ka tërhequr vërejtjen se tentimi i organizimit të zgjedhjeve të Serbisë brenda shtetit të Kosovës, vë në pikëpyetje integritetin dhe sovranitetin e Republikës së Kosovës.
“Një prej momenteve kritike kur flasim për Kosovën, mund të jenë pikërisht zgjedhjet e Serbisë dhe tentimi i organizimit të tyre edhe në Kosovë. Sepse faktikisht vihet në pyetje integriteti dhe sovraniteti i Kosovës”, potencoi ish-ambasadori Haliloviq.
Promo
Reklamo këtuLufta Prigozhin - Putin
Më shumëNga Rubrika
Zvogëlohet numri i karabinierëve tek Ura e Ibrit, trajnimi mund të vazhdojë edhe sot
Aksidenti me fatalitet në Komoran, arrestohet shoferi i njërës nga veturat e përfshira
Shqipëria në “luftë” me flakët, shuhen 31 vatra zjarri në 24 orë, situatë problematike në qarkun Lezhë
Shkëmbim zjarri mes dy grupeve, policia jep detaje nga vrasja dhe plagosja e pesë personave në Prishtinë
Punëtorët serbë mblidhen para objektit të ish-komunës paralele në veri të Mitrovicës, kërkojnë rikthimin në punë
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Të shtëna me armë zjarri në Prishtinë, dyshohet për një të vrarë - pesë të plagosur dërgohen në QKUK
Policia e Kosovës: Protestat në veri të Mitrovicës u zhvilluan të qeta dhe pa incidente
Brenda dy javëve, mjekët duhet të vendosin nëse do punojnë në spitalet publike apo private
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh