Fundjavë me vranësira në Kosovë, të dielën riga lokale shiu dhe borë

Gjatë fundjavës mbi vendin do të mbajë mot me vranësira, të dielën do të ketë riga lokale shiu, në zonat malore edhe borë.

Sipas Prishtina Weather vranësirat do të dominojnë mbi vendin tonë ditëve të fundjavës. Ditën do të ketë edhe intervale me diell.

Të shtunën pritet një rënie e lehtë e temperaturave përreth vlerave normale, ndërkaq të dielën parashihen mundësi edhe për riga lokale shiu orëve të pasdites, e përreth zonave malore edhe të borës, transmeton Telegrafi.

Temperaturat pësojnë një rënie ditën e shtunë, e më pas në rritje.  Minimalet luhaten ndërmjet -1 e 1C, e maksimalet të shtunën zbresin në 5C e 6C, e të dielën ngritën në 8C e 9C, deri të mërkurën edhe në 12C.

Erërat frynë edhe mesatare e mesatarisht të fuqishme ditën e shtunë nga verilindja 6-13m/s, e nga dita e diel të lehta kryesisht nga jugu e juglindja 1-4m/s.

Mot me vranësira të ndryshueshme pritet të mbizotërojë ditëve të para të javës së ardhshme, pa përjashtuar mundësi për riga lokale shiu ditën e hënë e të martë.

Në aspektin termik do të mbajë mot më i butë. /Telegrafi/