Pendarovski: Dezinformatat nuk janë të rastësishme, janë produkt kundër një teme të caktuar

Presidenti Stevo Pendarovski sot mbajti fjalim në konferencën përmbyllëse të projektit “Informacionet kundër dezinformimit”.

Nga të gjitha hulumtimet e mëparshme për këtë temë, sipas presidentit Pendarovski, konfirmohet se dezinformatat zakonisht nuk janë naive dhe aksidentale, por janë produkt i një qasjeje të planifikuar dhe të organizuar ndaj një teme të caktuar.

“Tema e dezinformatave, nevoja për sensibilizimin e ekzistencës dhe efekteve të tyre, meriton vëmendjen tonë të plotë si shoqëri dhe si shtet. Pandemia na tregoi në mënyrë specifike se çfarë problemesh mund të shkaktojë dezinformimi. Në nivel global, jo vetëm në vendin tonë, e ashtuquajtura infodemia ka intensifikuar debatin publik për këtë çështje, ka ulur efektivitetin e masave të kontrollit të pandemisë, ka rritur hezitimin e njerëzve në lidhje me vaksinimin dhe më në fund ka vendosur terrenin për shfaqjen e teorive konspirative më të pabesueshmes, për luftëra biologjike që duhet të zvogëlojnë popullsinë botërore, për gjobë çipim dhe kontroll përmes vaksinave nga qendrat e fuqive botërore dhe shumë të tjera”, tha presidenti Pendarovski.

Si një vend që së fundi është bërë anëtar i NATO-s dhe pret të fillojë negociatat për anëtarësim në Bashkimin Evropian, tha presidenti Pendarovski, gjatë pandemisë u morëm edhe me një fushatë të organizuar dezinformuese që synonte ta kthejë opinionin publik kundër organizatave euroatlantike, duke thënë se ato gjoja nuk e kanë ndihmuar Maqedoninë e Veriut gjatë pandemisë./Telegrafi/