Çmimet e konsumit në SHBA po rriten me ritmin më të shpejtë që nga viti 1982

Rritjet e çmimeve në SHBA u rriten me më shumë se sa pritej muajin e kaluar, duke e shtyrë inflacionin vjetor në 7.5% – norma më e lartë që nga viti 1982.

Kështu, rritja e çmimeve po godet financat e familjeve pasi pagat nuk arrijnë të mbajnë ritmin, shkruan BBC, përcjell Telegrafi.

Dhe Uashingtoni është nën presion për të adresuar çështjen, me bankën qendrore të SHBA që pritet të rrisë normat e interesit.

Në SHBA, shpenzimet konsumatore qëndruan të mira për pjesën më të madhe të vitit të kaluar, pavarësisht rritjes së shpejtë të çmimeve, të cilat analistët thonë se janë shkaktuar nga një përzierje e kërkesës së fuqishme, shpenzimeve qeveritare, pengesave të zinxhirit të furnizimit dhe rritjes së pagave pas mungesës së fuqisë punëtore.

Amazon, Netflix dhe Procter & Gamble janë ndër firmat e shumta që kanë njoftuar rritje të çmimeve muajt e fundit, duke përmendur kostot më të larta. Ata kanë thënë se presin që shumica e familjeve të absorbojnë rritjet.

Por çështja është gjithnjë e më shumë një çështje kyçe për votuesit, duke dëmtuar popullaritetin e presidentit Joe Biden pavarësisht rritjes së fortë ekonomike vitin e kaluar.

Në bazë mujore, çmimet e konsumit u rritën me 0.6% në janar, tha Departamenti i Punës i SHBA.

Indeksi i qirasë u rrit me 0.4%, ndërsa çmimet e ushqimeve u rritën me 1%, nxitur nga rritja e kostos së produkteve të bukës dhe drithërave.

Detra Thomas, një asistente 60-vjeçare e burimeve njerëzore që jeton në Nju Jork, thotë se kohët e fundit ajo ndaloi blerjet në supermarket, duke zgjedhur të porosiste me shumicë në internet ose të vizitonte shitësit ambulantë me shpresën për të gjetur çmime më të ulëta. /Telegrafi/