Berisha kërkon të ndihmohet Ukraina me municione: Argati i Beogradit jo më kot hesht

Nga foltorja e Kuvendit, deputeti Sali Berisha u shpreh se Shqipëria duhet të ndihmojë Ukrainën të paktën me municione, në një situatë kur është e kërcënuar për pushtim nga Rusia.

“Si më duket mua vetja sot këtu? Sikur jam në parlamentin e Taxhikistanit. A ekziston një kërcënim i madh Europian nga një diktator paranojak që quhet Vladimir Putin? A po kërcënohet për pushtim një vend sovran? Çfarë është kjo narkoqeveri dhe ky narkoparlament që nuk thotë një fjalë. Sikur janë Taxhikistani, sikur janë sferë e Putinit. Në këtë parlament nuk rrihet, por jam këtu për t’i shprehur solidaritet të plotë në emër të PD-së kombit ukrainas, shqiptarëve në Odesë, kudo që janë.

Jam këtu për të ndihmuar Ukrainën që kërcënohet nga një barbari e Kremlinit. Shqipëria duhet të bëjë gjithçka për të ndihmuar këtë vend. Të paktën fishekë dhe municione mund t’u dërgohen atyre. Por argati i Beogradit jo më kot hesht. Këtu nuk mund të dominojë Beogradi me udhëzimet e tij”, tha Berisha./A2 CNN