Muhaxheri për krizën me energjinë: Është dashur të ndërtohet ‘Kosova e re’, projekt i propozuar nga ish-ministri Çeku
Kryetari i komunës së Pejës dhe nënkryetar i LDK-së në nivel qendror Gazmend Muhaxheri, ka folur për krizën aktuale energjetike që po e përjeton Kosova në këto muaj.
I ftuar në ‘RADIO 1’, Muhaxheri që qeverisë me komunën e Pejës, ndërsa subjekti i tij LDK në nivel qendror është opozitë, ka komentuar premtimet e kryeministrit Kurti për ulje të çmimit të energjisë në kohën sa ishte opozitar, përderisa tani si kryeministër po paralajmëron shtrenjtim të saj.
Muhaxheri në këtë pikë thotë se Kurti ka dëmtuar vetën duke tentuar që të bëhet kryeministër duke bërë opozitarizëm në çdo segment të jetës, me çdo kusht dhe pa bërë llogari logjike.
“Unë mendoj, se opozitarizimi me çdo kusht, është i dëmshëm edhe për vete, edhe për partinë por edhe për vendin. E kjo e fundit, (pra për vendin) është shqetësuese. Tani kur je brenda rezulton ndryshe”, tha Muhaxheri.
Duke folur për temën e krizës energjetike, Gazmend Muhaxheri i LDK-së, ka thënë se në mënyrë që Kosova në ditët e sotme të mos kishte situata krize energjetike, është dashur që në vitin 2005 të shtyhej para projekti energjetik i ministrit të atëhershëm të Energjisë dhe Minierave, Ethem Çeku, për termocentralin ‘Kosova e Re’.
“Unë me sa mbajë në mend në vitin 2003-2005, ministri i atëhershëm i Energjetikës dhe Minierave, z.Ethem Çeku ka paraqitur një program me të vërtet shumë ambicioz për zhvillimin e sektorit të energjisë në Republikën e Kosovës, e që tash pas sa vitesh, 17 apo 18 vite, po shihet që ka qenë vizioni më i mirë dhe më i qëndrueshëm për të ardhmen energjetike të vendit. Pra kur e shikon prej perspektivës, edhe ne, që atëherë ishim në parti opozitare, kemi thënë jo, shumë po ndotet ambienti, jo kjo, jo ajo, mirëpo realiteti është që aty ka qenë bazament ajo çfarë e ke. Pra Kosova pasurinë më të madhe e ka pasur resursin e thëngjillit. Sikur të ishte ndërtuar Termocentrali në fjalë, ‘Kosova e re’, siç ishte planifikuar, edhe e di, ka pasur investitorë më serioz të mundshëm në botë nga kjo fushë, sot ndoshta kishim qenë fuqi energjetike në ballkan e që mandej na ishte mundësu një pozicion më i mirë edhe për negocim, edhe për të ardhmen e vendit e shtoja këtu edhe të hyrat që i kishim pasur të jashtëzakonshme nga energjia, tani kur është rritur çmimi i megavatit”, tha Muhaxheri.
Muhaxheri mosrealizimin e projektit energjetik ‘Kosova e Re’, tani fatkeqësisht e sheh si mundësi të humbur dhe të pakthyeshme.
“Tash me agjendat europiane ai resurs ekonomik që ka qenë atëherë, 14 miliard tonelata diku thëngjill, është i pashfrytëzueshëm dhe mbetet një resurs i vdekur që nuk ka me kontribu në zhvillimin ekonomik të vendit, e çka ndodhë, paralelisht prap kanë me vazhdu me funksionu termocentralet që ndotjen e kanë të njejtë”, shtoi tutje Muhaxheri.
Ndryshe, vendimi për ndërtimin e një termocentrali të ri, me të cilin do të përmirësohej gjendja energjetike në Kosovë, ishte marrë në vitin 2005, të qeverisjes LDK-AAK, Rugova-Haradinaj, e në krye të Ministrisë së Energjetikës dhe Minierave nga AAK, ishte vënë Et’hem Çeku, pararendës i Gazmend Muhaxherit në Pejë, duke qenë për një mandat të pasluftës edhe kryetar i komunës së Pejës.
Promo
Reklamo këtuLufta Prigozhin - Putin
Më shumëKëto janë 7 kompanitë gjigante që vlejnë së bashku 14 trilionë dollarë – por ja sa fitojnë CEO-t e tyre
Besim Ramadani, personazh inspirues dhe shembull që duhet ndjekur
Telegrafi Jobs - Shoku yt për punë
Shkenca e të Dhënave - Kombinim i Statistikës, Programimit dhe Biznesit
Ndryshimi në skemën sociale, ministri Murati fton familjet në nevojë për aplikim
Po hapet Abi Çarshia, qendra tregtare më unike në vend e rajon
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit