Kreu i Partisë Demokratike (PD) të Shqipërisë, Lulzim Basha, është paraqitur të premten, 14 janar, para Prokurorisë së Shtetit, për të dëshmuar mbi ngjarjet e dhunshme të javës së shkuar në selinë e kësaj partie në Tiranë.
Pas dëshmisë së dhënë prapa dyerve të mbyllura në zyrat e prokurorisë në Tiranë, e cila po heton sekuencat e dhunshme të protestës së simpatizantëve të ish-kryeministrit shqiptar dhe ish-liderit të PD-së, Sali Berisha më 8 janar, Basha tha se selia blu, ku ai qëndronte, “ishte objekt i një sulmi barbar dhe të dhunshëm.”
Ai kërkoi nga prokuroria zbardhjen e ngjarjes dhe vendosjen para drejtësisë “të autorëve, organizatorëve, frymëzuesve të dhunës,” duke shtuar se “demokratët u thirrën për t’u përdorur si fasadë” dhe akuzoi Berishën për përçarjen e partisë dhe përkrahësve të saj.
“E cilësoj si një nga dëmet e mëdha që po i shkaktohet familjes tonë politike për shkak të egoizmit të pakufi të Sali Berishës dhe mbivendosjes së hallit të tij personal mbi interesat e demokratëve dhe shqiptarëve”, tha Basha, duke kërkuar nga përkrahësit e PD-së që t’i kthehen “betejës për ta çliruar Shqipërinë nga ky makth”, transmeton REL
Basha dëshmoi në Prokurori një ditë pasi aty u ftua ish-kreu i PD-së, Berisha, në cilësi të deklaruesit.
Berisha ka akuzuar Bashën për nxitje të dhunës dhe lidhje të tij me figura të krimit dhe ka theksuar se kishte ofruar dëshmi te hetuesit se dhuna është nxitur nga njerëz të armatosur brenda selisë së PD-së, duke aluduar që përplasja ishte provokuar nga kampi i përkrahësve të Bashës.
Lufta direkte politike brenda PD-së së ndarë në këto dy kampe, ka hyrë në muajin e dytë të zhvillimeve, të cilat kanë parë përplasje të ashpra mes përkrahësve të dy liderëve me veprime dhe kundër-veprime për të testuar fuqinë e dy prijësve të PD-së.
Përçarja e tyre ka filluar pas vendimit të Bashës që ta largojë Berishën nga grupi i deputetëve demokratë në Parlamentin e Shqipërisë, pas vendimit të Shteteve të Bashkuara, për ta shpallur Berishën persona non-grata për lidhjet e tij me korrupsionin dhe presionit amerikan ndaj PD-së për t’u distancuar nga Berisha.
Konflikti mes Berishës dhe Bashës është përçarja më serioze në radhët e Partisë Demokratike, grupit më të madh opozitar në Shqipëri, dhe njëherësh partisë, e cila përmbysi komunizmin në Shqipëri.
Promo
Reklamo këtuLufta Prigozhin - Putin
Më shumëKonjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohen rezultatet e Lotarisë Amerikane, linku ku mund të shihni nëse jeni fitues
"Intimidimi i gazetares", deputeti Dimal Basha reagon pas kritikave të AGK-së dhe RTK-së
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City