Keanu Reeves ua pagoi të gjitha shpenzimet ekipit të tij “The Matrix Resurrections” për udhëtimin në San Francisco në premierën e filmit

Keanu Reeves vazhdon të jetojë sipas reputacionit të tij si një nga zotërinjtë e Hollywoodit.

Nga dhurimi i orëve Rolex ekipit të tij të “John Wick 4” e deri te dhurimi i motoçikletave bashkëpunëtorëve të “Matrix Reloaded”, Reeves njihet për dhuratat bujare për ata që janë në mesin e tij.

Kjo nuk u përjashtua as për ekipin e “The Matrix Resurrections”.

The Hollywood Reporter ka zbuluar se Reeves ka shpenzuar bujarisht për miqtë, bashkëpunëtorët dhe anëtarët e tjerë të ekipit për të shijuar një eksperiencë luksoze për premierën në San Francisco të “The Matrix Resurrections”, e cila u zhvillua në Bay më 18 dhjetor të vitit të kaluar.

Lexo po ashtu Të gjitha lajmet nga Keanu Reeves

Sipas raportimeve, Reeves donte të sigurohej që të gjithë të ndiheshin të përfshirë në festë, dhe kështu ftoi të gjithë anëtarët e ekipit, agjentët e menaxherët si dhe miqtë, familjen e të afërm të tjerë që të merrnin pjesë në këtë ceremoni.

Thuhet se ai pagoi faturën për një avion privat, si dhe akomodimin në hotel, biletat për premierën dhe gjithashtu organizoi aktivitete dhe dhurata të tjera për listën e të ftuarve, duke përfshirë një drekë të veçantë pas premierës.

Kur u pyet nga The Hollywood Reporter se pse bëri gjithë këto shpenzime të mëdha, ai tha: “Është e mrekullueshme të jemi në gjendje të ndajmë përvojat dhe jetët tona së bashku”.

Ylli kanadez vetëm rreth dy muaj më parë u dhuroi Rolex gjithë dublantëve të “John Wick 4”. /Telegrafi/