LAJMI I FUNDIT:

Borë dhe acar gjatë javës së ardhshme, temperaturat minimale do të zbresin nën minus 10 gradë celsius

Borë dhe acar gjatë javës së ardhshme, temperaturat minimale do të zbresin nën minus 10 gradë celsius
Foto: Arkiv

Pas javëve me mot të butë dhe temperatura të larta, nga nesër pritet që të filloj dimri i vërtetë me rënie të temperaturave dhe paraqitjen e ditëve të akullta.

Sipas në një njoftimi nga Prishtina Weather, gjatë javës në vijim temperaturat minimale do të mund të zbresin nën -10 gradë celsius.

Në ditët e para të javës parashihen edhe kushte për të reshura bore, kryesisht të intenzitetit të dobëta, e më intenzive përreth viseve malore. Nga e marta dhe mërkura më shumë si rrebeshe të shkurta bore.


Trashësia e borës varësisht nga relievi mund të shkojë deri në 10cm e 15cm, e në vise malore mbi 30cm.

Nga dita e enjte nën kushtet e motit të kthjellët dhe depërtimit të acarit në rajon, temperaturat do të pësojnë rënie më të ndjeshme, por se nga e premtja me një tendencë në rritje.

Njoftimi i plotë:

Borë dhe acar gjatë javës vijuese. Fillon dimri i vërtetë me ditë të akullta. Temperaturat minimale mund të zbresin edhe nën -10C.

9.01.2022 – Pas javëve me mot më të butë dhe temperatura ndjeshëm më të larta nga vlerat mesatare, në javën vijuese si duket po fillon dimri i vërtetë me rënie të temperaturave dhe paraqitjen e ditëve të akullta, kur temperatura maksimale mbetet nën 0C. Në ditët e para të javës parashihen edhe kushte për të reshura bore, kryesisht të intenzitetit të dobëta, e më intenzive përreth viseve malore. Nga e marta dhe mërkura më shumë si rrebeshe të shkurta bore. Ditëve të para të javës edhe do të fryjë erë e ftohtë veriore, e ndjeshmëria subjektive e temperaturës, apo windchilli, do të jetë edhe më i ftohtë edhe deri në -10C.

Trashësia e borës varësisht nga relievi mund të shkojë deri në 10cm e 15cm, e në vise malore mbi 30cm. Nga dita e enjte nën kushtet e motit të kthjellët dhe depërtimit të acarit në rajon, temperaturat do të pësojnë rënie më të ndjeshme, por se nga e premtja me një tendencë në rritje.

Erërat e theksuara veriore që fryjnë në këto ditë do të mbajnë ndotësit ajror të shpërndarë, e pas këtyre ditëve të fundjavës, me indeks në vlera të dobëta e shumë të dobëta, cilësia e ajrit do të shënojë përmirësim dhe kryesisht do të jetë në vlera të mira e të pranueshme. Vetëm me qetësimin e erës nga pjesa e dytë e javës indeksi sërish mund të kaloj në vlera të dobëta e shumë të dobëta.

10.01 – Ftohtë, kryesisht vranët e me erë. Kohë pas kohe priten edhe reshje të dobëta bore, derisa në vise malore mund të jenë më intenzive. Ditën në vise më të ulëta reshjet mund të përzien edhe me shi.

11.01 – Mbetet mot i ftohtë, me erë e kryesisht me vranësira. Kohë pas kohe priten mundësi për rrebeshe të dobëta bore.

12.01 – Mot i ftohtë, me vranësira e ditën edhe intervale me diell. Herë herë me mundësi për rrebeshe të dobëta bore.

13.01 – Mot i acartë, paradite me vranësira e gjatë ditës me kthjellime.

14.01 – Mot i acartë, kryesisht me diell gjatë ditës.

Temperaturat në të dy vlerat ekstreme pësojnë rënie të ndjeshme gjatë kësaj jave. Minimalet pritet të zbresin nga 0C e -1C edhe nën -10C, deri në -12C të enjten në mëngjes, e maksimalet nga 1C ditën e hënë, zbresin në -2C e -5C nga mesi i javës, por se nga dita e premte pritet të shënojnë rritje edhe deri në 2C.

Ditëve të para të javës do të fryjë erë më e vazhdueshme, e ftohtë, mesatarisht e fuqishme dhe fuqishme nga verilindja 5-14m/s, vende-vende me hove edhe deri në 16m/s apo 60km/h.
Shtypja atmosferike në fillim të javës pëson rënie nën vlera normale, e më pas me rritje të shpejtë lartë mbi vlera normale. /Telegrafi/

Në trend Lajme

Më shumë
Protestat masive në Serbi, sugjerohet që Kosova të mos ndërhyjë

Protestat masive në Serbi, sugjerohet që Kosova të mos ndërhyjë

Lajme
Vdes infermierja Bedrije Gashi, shërbej për tre dekada në Klinikën e Neonatologjisë

Vdes infermierja Bedrije Gashi, shërbej për tre dekada në Klinikën e Neonatologjisë

Lajme
KQZ publikon video ku jep udhëzimet se si duhet plotësuar fletëvotimin, fton qytetarët të votojnë më 9 shkurt

KQZ publikon video ku jep udhëzimet se si duhet plotësuar fletëvotimin, fton qytetarët të votojnë më 9 shkurt

Lajme
Rreziku kimik dhe radiologjik, ekipi italian i KFOR-it kryen kontrolle në një fabrikë në Pejë

Rreziku kimik dhe radiologjik, ekipi italian i KFOR-it kryen kontrolle në një fabrikë në Pejë

Lajme
Gjashtë vjeçari humb jetën në spitalin e Lushnjës, “pësoi arrest kardiak sapo u fut në ambulancë për Tiranë”

Gjashtë vjeçari humb jetën në spitalin e Lushnjës, “pësoi arrest kardiak sapo u fut në ambulancë për Tiranë”

Lajme
Pjesëmarrja e diasporës në zgjedhje, KQZ do të angazhojë 414 anëtarë për Këshillat e Vendvotimit në 19 shtete

Pjesëmarrja e diasporës në zgjedhje, KQZ do të angazhojë 414 anëtarë për Këshillat e Vendvotimit në 19 shtete

Lajme
Kalo në kategori