Qytetarët nuk i besojnë Vuçiqit dhe Brnabiqit – sërish protesta dhe bllokadë rrugësh në Serbi

Shoqata e Organizatave Mjedisore të Serbisë po organizon postblloqe të reja në shenjë proteste ndaj gërmimit të litiumit dhe projektit “Jadar” të kompanisë Rio Tinto.

Qytetarët kanë bllokuar autostradën në Beograd afër Qendrës Sava si dhe disa rrugë në qytete të tjera si Novi Sad. Gjatë daljes së qytetarëve në rrugë ka ndodhur një incident kur një shofer ka dalë nga vetura dhe ka tentuar të përballet fizikisht me protestuesit, raporton N1.

Kryeministrja e Serbisë, Ana Brnabiq deklaroi më herët sot se Qeveria e Serbisë është afër vendimit për të anuluar gjithçka që po ndodh me Rio Tinto dhe për të anuluar të gjitha lejet që i janë dhënë asaj kompanie.

UŽIVO Sprema se najradikalnija blokada u Novom Sadu https://t.co/EW9wQrowZ2

— nova.rs (@novarsonline) January 8, 2022

Megjithatë, Kryengritja Mjedisore thotë se përpara se të hiqen të gjitha lejet, gjithçka e nënshkruar duhet të vihet në dispozicion të publikut, raporton nova.rs.

Theksojmë se kompania ka vazhduar të blejë pronat e qytetarëve serb për të filluar punën me gërmimet e litiumit.

Ndryshe, presidenti serb Aleksandar Vuçiq ka deklaruar javë më parë se ka refuzuar të nënshkruajë Ligjin për Shpronësim, e cila do t’i jepte leje kompanisë që të kryente gërmimet komania anglo-australiane. /Telegrafi/