Britanikët kaluan më shumë kohë në internet se kurrë më parë këtë vit, ndërsa ishin të “ngujuar” në shtëpi

Qëndrimi online në Britani të Madhe shënoi një rritje me 19 për qind në nivele rekord këtë vit, sipas të dhënave të publikuara nga ofruesi më i madh i telekomunikacionit në vend.

Shifrat u publikuan nga Virgin Media O2, pas një analize të më shumë se 47 milionë klientëve nga 1 janari deri më 10 dhjetor 2021, dhe eksploruan përdorimin e internetit në vend gjatë një viti “shqetësues”.

Të lodhur nga Covid-19, vëmendja e kombit britanik thuhet se u kthye te sporti live, i cili rezultoi në një rritje prej 24 për qind, përcjell Telegrafi.

Ditët më të ngarkuara të shikimit të TV ishin të lidhura me disa nga momentet më të mëdha sportive në fillim të vitit, duke përfshirë përplasjet për FA Cup, India vs Anglia Test Cricket dhe Super Bowl.

Ndërkohë, në disa raste thuhet se periudha e pikut për trafikun u zhvendos nga ora 20:00 e mbrëmjes në 16:00 pasdite – duke sugjeruar që shumë prindër të rraskapitur përdornin shërbime si Netflix, YouTube dhe lojëra për të “angazhuar” fëmijët e tyre. /Telegrafi/