Japonia var tre të dënuar me vdekje

Japonia ekzekutoi tre të dënuar me vdekje duke i varur, e cila gjë ka shënuar ekzekutimet e para që vendi ka kryer që nga viti 2019 dhe i pari nën kryeministrin Fumio Kishida.

Një nga ata që u vranë ishte Yasutaka Fujishiro, 65 vjeç, i cili vrau shtatë persona duke përfshirë tezen dhe fqinjët në vitin 2004, sipas Ministrisë së Drejtësisë të Japonisë.

Dy të tjerët, Tomoaki Takanezawa, 54 vjeç dhe Mitsunori Onogawa, 44 vjeç, vranë dy punonjës në sallonet e lojërave pachinko në 2003, konfirmoi Ministria e Drejtësisë, raporton cnn.

“Këto raste janë jashtëzakonisht brutale, duke marrë jetë të çmuara për arsye egoiste. Mendoj se këto janë incidente të tmerrshme jo vetëm për viktimat që humbën jetën, por edhe për familjet e viktimave”, tha ministri i drejtësisë, Yoshihisa Furukawa.

Të gjitha ekzekutimet në Japoni kryhen me varje. Të burgosurit shpesh mësojnë për ekzekutimin e tyre vetëm disa orë përpara se të ndodhte. Familjet e tyre zakonisht njoftohen për ekzekutimin vetëm pasi të përfundojë, sipas grupit të të drejtave të Amnesty International.

Përdorimi i dënimit me vdekje nga Japonia – dhe mënyra në të cilën ai zbatohet – ka zemëruar prej kohësh grupet e të drejtave dhe aktivistët që punojnë për të hequr këtë praktikë.

Japonia është një nga disa shtete që ende vazhdon të përdorë dënimin me vdekje – në mesin e demokracive të mëdha, ku disa pjesë të Shteteve të Bashkuara e përdorin këtë praktikë.

Në nëntor, dy të dënuar me vdekje nisën një padi kundër qeverisë, duke kërkuar që ajo të ndryshojë praktikën dhe të kërkojë kompensim për ndikimin e praktikës “çnjerëzore”.

Japonia i ka rezistuar thirrjeve për ndryshim dhe ka shumë në vend që mbështesin dënimin me vdekje. /Telegrafi/