Eva, platforma e parë që mundëson dërgesa të menjëhershme dhe lëvizje të individëve me ride-share, ndërtuar në blockchain, njoftoi sot mbylljen me sukses të raundit të parë të investimit prej 1.2 milion dollarë.
Ky raund u drejtua prej EI Investment, një group investues kryesuar nga Ilir Skëndaj me pjesëmarrjen e Qeverisë së Kanadasë dhe investuesit ekzistues Progitech. Kapitali do të përdoret për vazhduar dhe nxitur përhapjen dhe zhvillimin e mëtejshëm të platformës, si dhe për të sjellë liderë kyç në skuadrën dhe lidershipin e kompanisë.
Një fokus i veçantë do të jetë vazhdimi i rritjes dhe zgjerimi i stafit në Kosovë, ku Eva ka krijuar një qendër me talent kosovar, për zhvillimin e software dhe platformës.
Që prej tetorit të 2020, kur krijuan ofertën dhe mundësinë për dërgesa të menjëhershme në platformën e tyre, kompania ka pasur një rritje prej më shumë se 700 për qind me më shumë se 165,000 dërgesa. Kjo e ka bërë Evan platformën e dytë më të madhe në Quebec të këtij lloji, duke kaluar dhe emra të njohur global në këtë fushë.
Në rrjetin e saj, platforma ka më shumë se 3,000 drejtues automjetesh dhe 1,500 biznese të ndryshme që përdorin shërbimin e dërgesave ekspres. Gjithashtu, më shumë se 60,000 përdorues, shfrytëzojnë shërbimin e ride-share për lëvizje.
“Vendosëm të fokusohemi te dërgesat e menjëhershme pasi tregu dhe konsumatorët ndërveprojnë gjithnjë e me shumë online. Gjithashtu, kjo ofertë dha një zgjidhje për konsumatorët dhe bizneset gjatë periudhës së COVID-19 dhe nxiti skuadrën tonë të ishim me inovator për të ndihmuar komunitetin ku jetonim”, shprehet një nga themeluesit e kompanisë, Dardan Isufi.
“Rritja fenomenale e Evas gjatë vitit të kaluar si dhe gjatë këtij viti, tregoi se tregu ka akoma nevojë për zgjidhje të tilla, si dhe ka hapësirë për zgjerim të mëtejshëm rajonal dhe global. Ne jemi mjaft te kënaqur dhe krenarë që do të ndihmojmë në fazën tjetër të zhvillimit dhe përshkallëzimit të kompanisë në Kanada dhe me tej”, u shpreh Ilir Skëndaj, drejtues i EI Investment.
Kush është Eva?
Kompania u themelua në Montreal të Kanadasë në vitin 2019 prej dy të rinjve, një prej të cilëve është Dardan Isufi, me origjinë nga Kosova dhe Raphaël Gaudreault.
Eva është ndërtuar në blockchain, duke e bërë të vetmen platformë në treg që përdor arkitekturën dhe modelin e biznesit të decentralizuar.
Platforma mundëson dërgesa të menjëhershme duke thjeshtuar integrimin e aplikacioneve të tregut online me konsumatorët. Duke u dhënë mundësinë këtyre të fundit, të kenë një eksperiencë të suksesshme deri në fund të blerjeve online. /Telegrafi/
Lufta Prigozhin - Putin
Më shumëBien aksionet e Apple shkaku i vendimit të qeverisë kineze
Telegrafi Jobs në prag të lansimit të konceptit të ri dhe unik
Këtë të premte në HaPiTe: Çka duhet pronarët e bizneseve të dinë për HR?
Zgjidh Prime Travel për aventurat më të mrekullueshme të jetës suaj
Bëje ëndrrën tënde realitet - apliko për bursën nga Fondacioni i Bursave për Studentë AMIK
Aliu: Qytetarët nuk do të kenë nevojë që të pajisen me leje ndërtimore për vendosjen e paneleve solare për konsum familjar
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vrasja në Kryshec të Pejës, dëshmitarët okularë rrëfejnë se si ndodhi ngjarja në lokal pas një telefonate
Barazim i madh i Shqipërisë ndaj Republikës Çeke si mysafir, ëndrra për Euro 2024 vazhdon
“Ku e shihni veten pas pesë vitesh?”: Publikohen disa pamje të vitit 2018, tregojnë se sa shumë ka ndryshuar Zelensky gjatë luftës në Ukrainë
Mirlind Daku shpërthen në lot pas ndeshjes: Kjo është më shumë se një Kupë Bote
Luajti për Zvicrën dhe Kosovën, por legjenda Albert Bunjaku në përkrahje të Dardanëve nga stadiumi: Fitojmë 2-1, kualifikimi ende i mundur
Largohen kunjat në rrugën “Qamil Hoxha” në Prishtinë