Ushtria e Mianmarit kreu një seri vrasjesh masive të civilëve në korrik që rezultuan në vdekjen e të paktën 40 burrave, sipas një hetimi të BBC.
Siç shkruan mediumi në fjalë, përcjell Telegrafi, dëshmitarët okularë dhe të mbijetuarit thanë se ushtarët, disa të rinj deri në 17 vjeç, mblodhën fshatarët përpara se t’i ndanin burrat dhe t’i vrisnin.
Pamjet video dhe imazhet nga incidentet duket se tregojnë se shumica e të vrarëve u torturuan fillimisht dhe u varrosën në varre të cekëta.
Vrasjet ndodhën në korrik, në katër incidente të veçanta në Kani Township – një bastion i opozitës në distriktin Sagaing në Mianmar Qendror.
Ushtria është përballur me rezistencën e civilëve që kur mori kontrollin e vendit në një grusht shteti të shkurtit, duke rrëzuar një qeveri të zgjedhur në mënyrë demokratike të udhëhequr nga Aung San Suu Kyi.
BBC thotë se foli me 11 dëshmitarë në Kani dhe krahasoi deklarimet e tyre me pamjet e telefonit celular dhe fotografitë e mbledhura nga “Myanmar Witness”, një OJQ me qendër në Mbretërinë e Bashkuar që heton abuzimet e të drejtave të njeriut në vend.
Vrasja më e madhe ndodhi në fshatin Yin, ku të paktën 14 burra u torturuan ose u rrahën për vdekje dhe trupat e tyre u hodhën në një gropë të pyllëzuar.
Dëshmitarët në Yin – emrat e të cilëve nuk janë bërë të ditur për të mbrojtur identitetin e tyre – i thanë BBC-së se burrat ishin lidhur me litarë dhe ishin rrahur para se të vriteshin.
“Ne nuk duruam dot ta shikonim, kështu që ulëm kokën, duke qarë”, ka rrëfyer një grua, vëllai, nipi dhe kunati i së cilës u vranë.
Ndërkohë një burrë që arriti t’u shpëtonte vrasjeve tha se ushtarët u bënë keqtrajtime të tmerrshme burrave për orë të tëra para se të vdisnin.
“Ata u lidhën, u rrahën me gurë dhe kondakë pushkësh dhe u torturuan gjatë gjithë ditës”, tha i mbijetuari.
“Disa ushtarë dukeshin të rinj, ndoshta 17 ose 18 vjeç, por disa ishin vërtet të moshuar. Kishte edhe një grua me ta”.
Në fshatin Zee Bin Dwin aty pranë, në fund të korrikut, 12 trupa të gjymtuar u gjetën të varrosur në varre masive të cekëta, duke përfshirë një trup të vogël, ndoshta një fëmijë, dhe trupin e një personi me aftësi të kufizuara.
Trupi i një burri rreth të gjashtëdhjetave u gjet i lidhur në një pemë kumbulle aty pranë.
Pamjet e kufomës së tij, të rishikuara nga BBC, treguan shenja të qarta torture.
Familja e tij tha se djali dhe nipi i tij kishin ikur kur ushtria hyri në fshat, por ai kishte qëndruar, duke besuar se mosha e tij do ta mbronte nga dënimi.
Siç vë në pah BBC, vrasjet dukej se ishin një dënim kolektiv për sulmet ndaj ushtrisë nga grupet e milicisë civile në zonë, të cilët po kërkojnë rivendosjen e demokracisë.
Luftimet midis ushtrisë dhe degëve lokale të Forcës së Mbrojtjes Popullore – një emër kolektiv për grupet e milicisë civile – ishin intensifikuar në zonë në muajt para vrasjeve masive, duke përfshirë përleshjet pranë Zee Bin Dwin.
Por familjet e të vrarëve këmbëngulën se burrat nuk ishin të përfshirë në sulmet ndaj ushtrisë.
Ndërkohë gazetarëve të huaj u është ndaluar të raportojnë në Mianmar që nga grushti i shtetit dhe shumica e mediave joshtetërore janë mbyllur, duke e bërë të pamundur raportimin në terren.
Kombet e Bashkuara po hetojnë aktualisht shkeljet e dyshuara të të drejtave të njeriut të kryera nga ushtria e Mianmarit. /Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Ukrainasit sërish sulmojnë me dron një rafineri nafte në Rusi
Njeriu më i shkurtër në botë është më i vogël se një shalqi: Hyri në librin Guinness, por jetën nuk e ka aspak të lehtë
1 Maji në mbarë botën: Protesta, përleshje dhe gazlotsjellës
Vuçiq humb kontrollin gjatë konferencës, analisten amerikane Ivana Stradner e quan të çmendur
Fitoi xhekpotin prej 1.3 miliard dollarësh - i sëmuri me kancer planifikon të përdorë paratë për të 'gjetur një mjek të mirë'
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës